Claudio Capéo

Claudio Capéo, de son nom vertadièr Claudio Ruccolo, nascut lo 10 de genièr de 1985 a Mülhausen (Alsàcia), es un acordeonista e cantaire francés d'origina italiana, çò qu'explica que canta a l'encòp en francés (Un homme debout, Ça va ça va, Riche, Plus haut...) e en italian (E penso a te, Caruso...). Claudio Capéo es a l'encòp son nom de scèna e lo de son grop.

S'es fach conéisser en França en participant a la sason 5 de l'emission televisada The Voice : La Plus Belle Voix en 2016. I foguèt seleccionat dins la còla de Florent Pagny gràcias a son interpretacion remirabla de la cançon Chez Laurette de Michel Delpech.

A agut en seguida una gròssa capitada ambe sa cançon en francés Un homme debout qu'a lançat sa carrièra de cantaire, son primièr album contenent aquel títol foguèt quitament n°1 de las vendas en França pendent l'estiu de 2016.^[1]

A fach mantuns duòs famoses coma Un peu de rêve ambe la cantaira francesa Vitaa, Que Dieu me pardonne ambe lo cantaire occitanocatalan francofòn Kendji Girac en 2019, o encara Chez toi ambe Slimane en 2023.