Chantal Lauby Chantal Lauby, nascuda en Occitània lo 23 de març de 1948 a Gap (Provença), es una actritz occitana francofòna, tanben umorista. A la debuta, èra presentatritz a la television francesa. A fach partida del celèbre grop d'umoristas Les Nuls. A passat son enfança en Occitània, mai precisament en Auvèrnhe, entre Auzon e Clarmont d'Auvèrnhe. Començèt a la television francesa coma presentatritz sus ORTF Auvèrnhe en 1970. Sa carrièra sus las antenas regionalas de France 3 e de Radio France la menèt en Provença ont i encontrèt Bruno Carette, ambe qui presentèt d'emissions comicas constituïdas de scenetas. Son alavetz contactatz pels directors dels programas de la novèla cadena de television francesa Canal+. Chantal Lauby e Bruno Carette van alavetz i formar Les Nuls ambe Alain Chabat e Dominique Farrugia en 1987. La capitada populara de lor tropa umoristica a la television francesa los buta alavetz a far en en seguida en 1994 un film comic, La Ciutat de la paur, mas sense Bruno Carette, defuntat entre temps (en 1989). Chantal Lauby es la maire de Jennifer Ayache (nascuda lo 9 de novembre de 1983), la cantaira del grop ròck francés Superbus. FilmografiaAnnadas 1970
Annadas 1990
Annadas 2000
Annadas 2010
Annadas 2020
|
