Cauna del Grand Ròc  La cauna del Grand Ròc se tròba a las Aisiás de Taiac, en Sarladés, dins la region istorica de Peiregòrd e lo departament de Dordonha. La descobèrtaFoguèt descobèrta en 1924 per Joan Maurin, espeleològ e preïstorian. Mentre que cavava despuèi longtemps lo jaç de «las Marselhas» a L'Aujariá Bassa amb son amic Le Bel, se mainèt d'un pòrge dins la partida aeriana del Grand Ròc. Malgrat las dificultats per l'aténher, veguèt que un rajolet ne sortissiá e examinèt de seguida de perlongaments possibles. Trauquèt un tunèl d'una quarantena de mètres e entreprenguèt l'exploracion en companhiá de sa filha e de sa sòrre. De la descobèrta a l'esplecha toristica i aviá pas que un pas; la cauna foguèt dobèrta al public en 1927. DescripcionSas formacions excentricas extraordinàrias evòcan un bòsc de cristallizacions calcàrias fòrça divèrsas: estalagmitas, concrecions excentricas, estalactitas fistulosas, triangles, colomnas, drapariás. Fa partida del Patrimòni Mondial de l'Umanitat de l'UNESCO despuèi 1979, en associacion amb d'autres sites e caunas pintadas de Peiregòrd jol nom de «Sites preïstorics e caunas ondradas de la val de Vesera». Ligams extèrnes |
