Busan (hangeul:부산; hanja: 釜山;prononciat en corean: /pusʰan/), oficialament Ciutat metropolitana de Busan ), es la segonda pus granda vila de Corèa del Sud aprèp Seol, amb una populacion d'aperaquí 3.6 milions d'abitants. La populacion de l'aira metropolitana, qu'inclutz las vilas vesinas de Gimhae e Yangsan, es d'aperaquí 4.6 milions.
Es situada dins la region de Yeongnam, al extrèm sud-èst de la peninsula de Corèa en riba de la Mar de Japon. La vila es un centre per la cultura, l'educacion e un pòl economic dins la region. Es lo pòrt pus important de Corèa del Sud e lo cinquen al nivèl mondial en tonatge.[1]La vila presenta una extension importanta, amb de quartièrs separats per las montanhas que l'enròdan al nòrd e a l'oèst e per la val del riu Nakdong. Lo quartièr de Jagalchi (자갈치 시장) situat prèp del pòrt es fòrça famós per son mercat dels peisses, sas carrièras estrechas e sas nombrosas botigas.
En 1957, Busan reformèt sa division administrativa amb la creacion de 6 novèls districtes o gu: Busanjin-gu, Dong-gu, Dongnae-gu, Jung-gu, Seo-gu, e Yeongdo-gu. Actualament, la vila compta 15 gu e 1 gun (comtat):
