Anime es un tipe, una mena de filmes de l'escòla d'animacionjaponesa. N'es quitament lo tèrme generic utilizat en Japon per ne designar tot çò referit al cinèma d'animacion.
N'a una istòria tan vièlha gaireben coma lo quite eiga id est cinèma. Se ne comencèron de far de filmes d'animacion a Nihon tre la debuta del sègle XX, e contrariament a çò que ne pretendon d'unes que i a, pas cap influenciats a la debuta pels biaisses de far occidentals, mas ancorats dins una tradicion grafica e del relat unicas al mond.
Quand lo comerci se n'entrevèt en tot ne seguir atal las pesadas disneyanas, de segur que cambièron un chic las causas, mas un país que s'èra inventada la benda dessenhada al sègle IX amb los pergamins e los rols de las aventuras d'una granhòta picaresca n'aviá pas res o pas grand causa d'aprene o envejar d'Occident.
E tot lo cinèma japonés d'animacion de qualitat o se tendrà tostemps de provat, d'al Viatge de Chihiro o lo Tombèl de las lusetas, o Princessa Mononoko e ca fins a l'excepcional Millennium Actress.
Es çò qu'assajarem de mostrar e demostrar, tot lo long d'aiceste estudi de l' anime del país d'en Satoshi Kon.
L' anime aquel que tan plan pòrta lo siu nom, de tant animat animadàs qu'es, valent a dire qu'a una arma, una anima que batega... tostemps.
Istòria de l'animacion japonesa
D'a la debuta fins a 1945
1945-1980
1981 en lai...
Los màgers creators
citacions
Citacions
Genres e tèmas
Epòca classica
Epòca modèrna
Ne cabís fòrça genres, a l'epòca modèrna, ramosats dins çò que li ne dison en anglés de live action.
Mas al país del monogatari, id est una mena de relat que los pòt totes mesclar, la classificacion per genres es un trabalh quasi inutil:
Los tèrmes japoneses de manga e anime (quitament se cal pas cap confondre manga e anime, que son doas causas del tot diferentas, dos domenis ben a despart, de çò que li ne poiriam dire d' animacion dessenhada, plan melhor que non pas dessenh animat...) son (n'es sonqu'un escapolon indicatiu... e ges exaustiu...) :
shojo: son seguits mai que tot pel public femenin jove
