Alain Anziani
Alain Anziani (París, 30 de mai de 1951-19 de julhet de 2025) es un òme politic francés deu Partit Socialista qui ho màger de Merinhac de 2014 a 2025 e president de la Metropòli de Bordèu de 2020 a 2024. BiografiaAlain Anziani vasot a París d'un pair còrse e d'ua mair bretona. Après duas mestresas de filosofia e de dret, vasot avocat en 1979. En 1982 arriba en Bordalés ont tribalha preu president deu consèlh regionau d'Aquitània Philippe Madrelle. En 1986, après la des.hèita de l'esquèrra a las eleccions regionaus, torna au son mestièr d'avocat. En 1992, es au cap de la lista deu PS per las eleccions regionaus en Gironda. De 1998 a 2008 es vice-president de la region. Elegit senator de Gironda en 2008, deisha lo consèlh regionau e abandona sa profession d'avocat. A las eleccions municipaus de 2014, es au cap de la lista PS a Merinhac. Es elegit màger lo 5 d'abriu, e tanben purmèr vice-president de la comunautat urbana de Bordèu lo 18. En 2017, demissiona deu senat pr'amor de la lei navèra de non comol deus mandats. En 2020, es elegit president de la Metropòli de Bordèu. Demissiona lo 4 de març de 2024 pr'amor de sa maishanta santat. Lo 26 de mai de 2025 demissiona de la mairia de Merinhac pr'amor de sa santat (dus cancèrs e la malautia de Parkinson). Moreish lo 19 de julhet. |
||||||||||||||||||||||||||||||||||||||||||||||||||||||||||||||
