Yorkshirepudding

Yorkshirepudding er ein engelsk matrett laga av ei røre av egg, mjøl og mjølk. Puddingen blir som regel bakt i omn og hever seg slik at han blir høg på sidene med eit søkk i midten. Eit «offisielt» høgdemål fastsett av britiske Royal Society of Chemists seier at ein ekte yorkshirepudding skal vera 10 cm høg.^[1]

Retten er knytt til Yorkshire gjennom namnet, men blir servert i heile England. Han er knytt til den tradisjonelle søndagsmiddagen (Sunday roast), og kan typisk serverast til roastbiff eller lammesteik.^[2] Han kan også serverast åleine^[1] med sjy eller lauksaus til, eller som ein søt dessert.^[3]

Yorkshirepudding er først nemnd i kokeboka The Art of Cookery made Plain and Easy frå 1747 av Hannah Glasse.^[4] Retten er ein variant av «Dripping Pudding»,^[5] ein liknande rett som blei sett under ei steik for å samla opp sjyet som draup ned medan ho steikte.

• Yorkshirepudding. Oppskrift ved NRK.no

Denne matartikkelen som har med England å gjere, er ei spire. Du kan hjelpe Nynorsk Wikipedia gjennom å utvide han.