Unbreakable av Sinplus

«Unbreakable» var det sveitsiske bidraget i Eurovision Song Contest 2012, framført på engelsk av Sinplus. Songen er med på albumet Disinformation.

3. november 2011 deltok songen i uttakinga til den franskspråklege kringkastaren Radio télévision suisse (RTS), men gjekk ikkje vidare til finalen i Die grosse Entscheidungsshow. Fem dagar seinare, 8. november, deltok han i uttakinga til den italienskspråklege kringkastaren Radiotelevisione svizzera di lingua italiana (RSI) og gjekk vidare til finalen. I finalen, som fann stad 10. desember 2011, tevla han mot mellom anna den fyrste vinnaren av Eurovision Song Contest, Lys Assia med songen «C'était ma vie». Songen vann tevlinga med 17,87 % av røystene og fekk representere Sveits i Eurovision Song Contest 2012.

Songen starta som nummer sju i den fyrste semifinalen, men gjekk ikkje vidare til finalen.