Twist-dans

Twist er ein dans som var inspirert av rock and roll. Frå 1959 til tidleg i 1960-åra vart den første verdsomfattande dansemanien, og vart enormt populær blant alle slags folk, samstundes som kritikarane meinte han var for utfordrande. Han inspirerte til dansar som jerk, pony, watusi, mashed potato, monkey og funky chicken, men ingen var like populære som twist.

Etter å ha sett tenåringar i Tampa i Florida dansa dansen, kreiv Hank Ballard songen «The Twist» og gav han ut på B-sida av Hank Ballard and The Midnighters-singelen «Teardrops on Your Letter» i 1959.^[1] Dick Clark merka seg at dansen var blitt populær blant tenåringane, og føreslo for Cameo Records at den meir gagnlege Chubby Checker burde spele inn songen. Denne kom ut i 1959 og gjekk til topps på salslistene i 1960.^[1] Tenåringane gjekk lei dansen då meir vaksne folk byrja å danse twist. Singelen kom då ut på ny og gjekk igjen til topps på listene i 1962.^[1]

Ein verdsrekord vart sett i DeLand i Florida den 11. oktober 2012, då Chubby Checker song songen live og publikum dansa. Kring 4000 menneske dansa då twist i lag med Checker og rekorden hamna i Guinness rekordbok.^[2]

Twist-songar som gjekk inn på Billboard-lista i USA:

• «The Twist» av Hank Ballard og The Midnighters (Nr. 28, 1959)
• «The Twist» av Chubby Checker (Nr. 1, 1960; Nr. 1, 1962)
• «Let's Twist Again» av Chubby Checker (Nr. 8, 1961)
• «Twistin' U.S.A.» av Danny & the Juniors (Nr. 20, 1961)
• «Slow Twistin» av Chubby Checker (Nr. 3, 1962)
• «Peppermint Twist - Part 1» av Joey Dee & the Starliters (Nr. 1, 1962)
• «Hey, Let's Twist» av Joey Dee & the Starliters (Nr. 20, 1962)
• «Dear Lady Twist» av Gary «U.S.» Bonds (Nr. 9, 1962)
• «Twist, Twist Senora» av Gary «U.S.» Bonds (Nr. 9, 1962)
• «Twistin' Postman» av the Marvelettes (Nr. 34, 1962)
• «Twistin' the Night Away» av Sam Cooke (Nr. 9, 1962)
• «Twist and Shout» av The Isley Brothers (Nr. 17, 1962)
• «Twist-Her» av Bill Black's Combo (Nr. 26, 1962)
• «Soul Twist» av King Curtis & His Noble Knights (Nr. 17, 1962)
• «Bristol Twistin Annie» av The Dovells (Nr. 27, 1962)
• «Percolator (Twist)» av Billy Joe & the Checkmates (Nr. 10, 1962)
• «Do You Know How To Twist» av Hank Ballard og The Midnighters (Nr. 87, 1962)
• «Twist It Up» av Chubby Checker (Nr. 25, 1963)
• «Twist and Shout» av The Beatles (Nr. 2, 1964)

• Twist Around the Clock (1961) - med Chubby Checker
• Don't Knock the Twist (1961) - med Chubby Checker
• Hey, Let's Twist! (1961) - med Joey Dee^[3]

Commons har multimedium som gjeld: Twist-dans