Tove Strand
Tove Astri Strand, tidlegare Strand Gerhardsen, (fødd 29. september 1946 i Kongsvinger) er ein norsk Ap-politikar og embetskvinne. Strand er utdanna sosialøkonom ved Universitetet i Oslo.[1] Ho var sosialminister frå 1986–1989, og arbeids- og administrasjonsminister frå 1990–1992, begge gongane under Gro Harlem Brundtland.[1] Ho hadde også hatt fleire stillingar som statssekretær for tidlegare arbeiderparti-regjeringar. Frå 1997–2005 leia ho Norad.[1] Strand har tidlegare hatt direktørstillingar ved Rikshospitalet og Norges forskningsråd. Sommaren 2005 blei ho utnemnd til administrerande direktør for Ullevål universitetssykehus, og etterfølgde då Helge Kjersem.[2] Ho har også vore viseadministrerande direktør og direktør ved Oslo universitetssykehus[3] Strand var visepresident i Norges Idrettsforbund 1994–1999. Ho har også vore styreleiar for Kronprinsparets humanitære fond.[1] I februar 2023 blei ho vald til leiar av Norske Idrettsleder-Veteraner (NIV).[4] PrivatlivStrand var tidlegare gift med Rune Gerhardsen og heitte då Tove Strand Gerhardsen. Ho har to døtrer, Mina Gerhardsen og Marte Gerhardsen. Strand er gift med Tor Saglie.[5] Ho er dotter av tidlegare Kongsvinger-ordførar Norvald Strand, og syster av den tidlegare Kongsvinger-ordføraren (2015–2019) Sjur Strand. Kjelder
|
||||||||||||||||||||||||||
