Selasphorus

	Selasphorus
	; Raudkolibrihann
	Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Seglarfuglar Apodiformes
Familie:	Kolibriar Trochilidae
Underfamilie:	Trochilinae
Stamme:	Mellisugini
Slekt:	Selasphorus; Swainson, 1832

Selasphorus er ei biologisk slekt av fuglar i ordenen seglarfuglar (Apodiformes), i kolibrifamilien Trochilidae. Slekta omfattar ni artar som er heimehøyrande i Mellom-Amerika og i vestlege delar av Nord-Amerika, med samla utbreiing frå Alaska til Panama. Tre av artane hekkar nord for Mexico og gjer lange sesongmessige fugletrekk.

Slektsnamnet Selasphorus kjem frå gresk: selas, som tyder «lys» eller «flamme», og phoros, som tyder «berar». Namnet kan altså tolkast som «den som ber lys» eller «flammeberar».^[1]

Systematikk

Slekta Selasphorus vart foreslått av den britiske ornitologen William Swainson i 1831.^[2]^[3] Typarten er Selasphorus rufus, raudkolibri.

Artar som tidlegare var plasserte i slekta Atthis — Atthis ellioti og A. heloisa — vart overført til Selasphorus etter genetisk-molekylære studiar publiserte i 2014 og 2017. Etter det vart Atthis eit synonym for Selasphorus.

Art S. calliope var i lang tid plassert i den monotypiske slekta Stellula, men genetiske studiar frå 2008 viste at arten er nærskyldt Selasphorus rufus, og ho vart difor flytta til denne slekta.

Artsoversyn

Slekt Selasphorus i rekkjefølgje etter IOC World Bird List V15.1, 2025,^[4] med norske namn etter Norske navn på verdens fugler:^[5]

Norsk namn	Vitskapleg namn	Autor	Status^[6]
Kalliopekolibri	Selasphorus calliope	(Gould), 1847	LC
Raudkolibri	Selasphorus rufus	(Gmelin), 1788	NT
Chaparralkolibri	Selasphorus sasin	(Lesson), 1829	LC
Breistjertkolibri	Selasphorus platycercus	(Swainson), 1827	LC
Humlekolibri	Selasphorus heloisa	(Lesson & Delattre), 1839	LC
Vinstrupekolibri	Selasphorus ellioti	(Ridgway), 1878	LC
Vulkankolibri	Selasphorus flammula	Salvin, 1865	LC
Gnistkolibri	Selasphorus scintilla	(Gould), 1851	LC
Glokolibri	Selasphorus ardens	Salvin, 1870	EN

Kjelder

Første versjon av denne artikkelen var basert på «Selasphorus» frå Wikipedia på spansk, den 13. juni 2025

Referansar

↑ Jobling, James A. (2010). The Helm Dictionary of Scientific Bird Names. London: Christopher Helm. s. 352. ISBN 978-1-4081-2501-4.
↑ Swainson, William; Richardson, J. (1831). Fauna boreali-americana, or, The zoology of the northern parts of British America. Part 2. The Birds. London: J. Murray. s. 324.
↑ Peters, James Lee, red. (1945). Check-List of Birds of the World 5. Cambridge, Massachusetts: Harvard University Press. s. 141.
↑ Gill F, D Donsker & P Rasmussen (Eds). 2025. IOC World Bird List (v15.1). doi : 10.14344/IOC.ML.15.1 Henta 13. juni 2025
↑ «Norske navn på verdens fugler». Norsk navnekomité for fugl (NNKF). 13. juni 2025. søk på Selasphorus
↑ BirdLife International (2024). «Selasphorus». IUCN - Global raudliste. Henta 13. juni 2025.