Plumbo
Plumbo er ei norsk rockegruppe frå Vestfold. Gruppa gav ut det fyrste albumet sitt i 2002. Plumbo syng på norsk, og har tekster med høg folkeleg faktor.[1] Bandet blei skipa i 2000 av Lars-Erik Blokkhus (vokal, gitar), Tommy Løken-Elstad (bass, vokal), Glenn Hauger og Reidar Fiskebøl (trommer). Hauger gav seg i 2002. I 2005 blei Fiskebøl erstatta av Hasse Rønningen (trommer, vokal). I 2013 blei Henning Hoel Eriksen (keyboard) og Tor Erik «Elgen» Knudsen (trommer, død 2024) medlemmar av gruppa, og i 2016 blei den amerikanske felespelaren Olivia McPeek Dvergsdal med i gruppa.[1] Gruppa gav ut debutalbumet Full åpning i 2002. I 2007 kom oppfølgjaren På vei til Harryland!, og i 2010 kom det tredje albumet Råkk'n Råll Harry. I 2012 kom det fjerde album, Rådebank. Plumbo vann den andre delfinalen i Melodi Grand Prix 2012 med songen «Ola Nordmann» frå dette albumet, og gjekk vidare til finalen. I finalen gjekk ho vidare til gullfinalen og enda på fjerdeplass. I 2014 slapp Plumbo det femte albumet sitt, Kom som dæ sjæl. i 2016 kom det sjette album Haraball. Spellemannprisen 2011Under Spellemannprisen 2011, 15. januar 2012, vann Plumbo prisen «årets hit» for songen Møkkamann. Då Plumbo skulle framføre sin takketale snudde vokalisten Lars Erik Blokkhus seg til Madcon og sa: «Veit du kva, når eg ser på dykk to så får låta plutseleg eit nytt namn - mokkamann». Saka fekk mykje merksemd i media, mellom anna på Twitter. Plumbo vart bua av scena og fleire forlét salen fordi Blokkhus spøkte om hudfarga til Tshawe Baqwa og Yosef Wolde-Mariam i Madcon. Seinare kom både Røthing, Madcon og Blokkhus med unnskyldningar for utsegna og handlingane sine. Manageren til Madcon, Peter Peters sa at Madcon ikkje fekk med seg kva som vart sagt på scena og at det var ei mediaskapt sak. Etter hendinga heldt NRK møte og kom fram til at Plumbo skulle få deltake i Melodi Grand Prix 2012.[2] I ettertid beklaga alle som var involverte i saka sine respektive utsagn og handlingar.[3][4][5] Kjelder
|
||||||||||||||||||||
