Lydia

For andre tydingar av oppslagsordet, sjå oldtidsriket Lydia.

Lydia og Lydie er kvinnenamn som på gresk tyder 'kvinne frå Lydia'.

Lydia har i Noreg namnedag den 13. desember.

Lydia var utbreidd i USA på 1800-talet. Rundt 1880 blei det brukt for over 0,300 % av jentebarn. Bruken var lågare på 1900-talet, men tok seg noko opp frå 1990-åra.

Namnet var populært i Noreg omkring 1900. Popularitetskurva hadde eit botnnivå i første halvdelen av 1960-åra.

Ved folketeljinga i 1801 var det knapt 50 med dette namnet i Noreg

Ved folketeljinga i 1900 var det 1309 som heitte Lydia og 44 som heitte Lydie.

I 2008 var det 493 som hadde Lydia som fornamn. I 2015 var talet 616.^[1]

Lydia var i følgje Apostelgjerningane ei kvinne i Filippi. Ho tok imot Paulus og Silas og heldt møte i heimen sin.^[2]

• Lydia Sigourney (1791-1865), amerikansk diktar
• Lydia Maria Child (1802–1880), amerikansk forfattar og aktivist
• Lydia Kamakaeha (1838–1917), seinare dronning Liliuokalani av Hawaii
• Lydia Thompson (1838–1908), fødd Eliza Hodges Thompson, engelsk skodespelar
• Lydia Koidula (1843–1886), estisk forfattar
• Lydia Becker (1827–1890), engelsk stemmerettsforkjempar
• Lydia Rabinowitsch-Kempner (1871–1935), litauisk-tysk medisinar
• Lydia Olsrud (1884–1983), norsk næringsdrivande i Mosjøen
• Lydia Skoblikova (f. 1939), sovjetisk skeiseløpar
• Lydia Shum Din-Ha eller Lydia Sum (1945—2008), skodespelar frå Hong Kong

• 110 Lydia er ein stor hovudbelteasteroide

• Folketeljingar i Digitalarkivet
• Internasjonal namnestatistikk for Lydia på behindthename.com

• Søk etter norsk namnestatistikk for Lydia hjå Statistisk Sentralbyrå