Guingamp

Guingamp
Land Region Departement	Frankrike Bretagne Côtes-d'Armor
Flatevidd	3,41 km²
Flatevidd  • By	3,41 km²
Innbyggjarar  • By (1999)    - folketettleik	8 008   2 348/km²
Koordinatar	48°33′N 03°09′W / 48.550°N 3.150°W / 48.550; -3.150
Høgd	93 m
Tidssone  • Ved sommartid	CET (UTC+1) UTC+2 (UTC)
Postnummer	22200
Nettstad: https://www.villeguingamp.bzh/
Nettstad: www.ville-guingamp.fr

Guingamp (bretonsk Gwengamp) er ein by og kommune nordvest i Frankrike. Han er sous-préfecture (underprefektur) i departementet Côtes-d'Armor i regionen Bretagne og har om lag 8 000 innbyggjarar.

Guingamp var ein kjøpstad i romartida mellom Normandie og nordvestlege delar av Bretagne. På 800-talet vart det bygd ei festning her, som dei bretonske troppane til Charles de Blois under leiing av Bertrand du Guesclin i 1364 samla seg ved før slaget ved Auray.

Seinare utvikla Guingamp seg til eit regionssenter for veving.

I byen finst mellom anna basilikaen Notre-Dame de Bon Secours frå 1000- til 1500-talet, som er eit pilgrimsmål, klosteret Sainte-Croix de Guingamp, grunnlagd rundt 1135 og slotta Château de Pierre II og Château des Salles frå 1400-talet.

Guingamp er rekna som hovudstad for bretonsk dans. Byen arrangerer årleg Festival de la Saint-Loup, ein internasjonal festival med særleg vekt på dans. Festivalen omfattar ei tevling i bretonsk dans, og blir tradisjonelt avslutta med folkedansen Dérobée de Guingamp. Byen har eit sekkepipekorps, Bagad Gwengamp, og eit lag for folkedans og -musikk, Kroaz Hent Gwengamp.^[1]

Den lokale fotballklubben er En Avant de Guingamp, som har spelt i den lokale eliteserien.

• Turistkontoret i Guingamp