Geoff Downes

	Geoff Downes
	;
Fødd	25. august 1952 (73 år)
Fødestad	Stockport, Cheshire i England
Fødenamn	Geoffrey Downes
Opphav	Storbritannia
Aktiv	1974 til i dag
Sjanger	Progressiv rock, hardrock, poprock, New Wave, synthpop, electronica
Instrument	tangentinstrument, piano, synthesizer, vocoder, trommer, perkusjon
Tilknytte artistar	The Buggles, Yes, Asia, Glenn Hughes, New Dance Orkester, John Wetton, ICON, DBA
Plateselskap	EMI America Records; Frontiers Records; Geffen Records; Universal
Verka som	Musikar, klaverspelar, låtskrivar, produsent
Gift med	Wenche Steen
Prisar	Æresordenen

Geoffrey Downes (fødd 25. august 1952)^[1] er ein engelsk klaverspelar og låtskrivar for banda Yes og Asia, og tidlegare i The Buggles, der han spelte fleire tangentinstrument for å få ein New Wave-technopop-stil. Han var ein gong i Guinness Rekordbok for å ha spelt på flest tangentinstrument (28)^[2] på scenen under ein enkel konsert.

Karriere

Buggles og Yes

Downes starta karrieren sin i new wave-bandet Buggles, som han starta saman med Trevor Horn i 1977. Duoen fekk i 1979 ein hit med singelen «Video Killed the Radio Star» som òg vart opningssongen då MTV opna sendingane sine. I 1980 vart dei verva til progrockgruppen Yes, der Downes erstatta Rick Wakeman på keyboard. Han var med på albumet Drama og den påfølgjande turneen.

Asia og solokarriere

Då Yes i 1981 vart oppløyst, starta Downes og gitaristen Steve Howe frå Yes saman med Carl Palmer frå Emerson, Lake & Palmer og John Wetton frå King Crimson supergruppa Asia. Gruppa hadde ein del hittar tidleg på 1980-talet, blant anna «Heat of the Moment» frå debutalbumet Asia.

Parallelt med Asia har Downes òg spelt inn ei rekkje soloalbum og arbeidd med andre musikarar, som John Wetton og Glenn Hughes. Han har òg produsert album frå blant anna Mike Oldfield, Thompson Twins og GTR.

Gjenforeining av Asia

Medan øvrige medlemmar har kome og gått, fortsette Downes å drive bandet og var ein periode det einaste av dei originale medlemmane, fram til gjenforeininga av originalbesetninga i 2006. Han var med på gjenforeiningsturneen og albumet Phoenix som vart utgjeve i 2008 og på oppfølgeren Omega som kom i 2010.

Tilbake i Yes

Downes vart på våren 2011 igjen medlem av Yes, og denne gongen erstatta han Oliver Wakeman. Yes gav ut eit nytt album, Fly from Here, sommaren 2011^[3] og Downes bidreg på det nye albumet som klaverspelar og låtskrivar. Bandet skal i løpet av 2011 òg på turné i Nord-Amerika^[4] og Europa.^[5]

Diskografi

Solo albums

The Light Program, 1987, Geffen
Vox Humana, 1992, JIMCO/Blueprint Records
Welcome to the Real World med Trapeze, 1993
Evolution, 1996, Blueprint Records
Wetton Downes (demoalbum), 1996, Stallion Records
Hughes/Downes: The Work Tapes, 1998, Blueprint Records
The World Service, 2000, Blueprint Records
Shadows & Reflections, 2003, Voiceprint Records
The Collection, 2003, Voiceprint Records
Live at St. Cyprian's, 2003
White (Alan White), 2004
Icon (med John Wetton), 2005, Frontiers Records
Icon Akustisk TV Broadcast (med John Wetton), 2006, Frontiers Records
Icon Live - Never in a Million Years (med John Wetton), 2006, Frontiers Records
Icon II: Rubicon (med John Wetton), 2006, Frontiers Records
Icon 3 (med John Wetton), 2009, Frontiers Records
Electronica (New Dance Orchestra med Anne-Marie Helder), 2010
Pictures of You (med Chris Braide), 2012

Yes

Drama, 1980 / expanded and remastered, 2004
The Ultimate Yes, 2003
The Word Is Live, 2005
Fly From Here, Frontiers Records, 2011

The Buggles

The Age of Plastic, 1979
Adventures in Modern Recording, 1981
Adventures in Modern Recording, Remixed & remastered with bonus tracks, ZTT Records, 1981