Chest Fever
«Chest Fever» er ein song av The Band frå debutalbumet Music from Big Pink frå 1968. Det er i følgje Peter Viney, ein historikar for gruppa, den songen frå Big Pink som finst på flest konsertalbum og samlealbum etter «The Weight».[1] Musikken er skriven av Robbie Robertson, og heile songen er vanlegvis tilskriven han, men i følgje Levon Helm, vart teksten opphavleg improvisert fram av Levon Helm og Richard Manuel. Teksten fortel soga om ein mann som vert sjuk då han vert avvist av kvinna han elskar. Robertson har sidan sagt at teksten var meiningslaus, berre nytta medan instrumentalspora vart innspelte. «Eg er ikkje sikker på om eg kan teksten til 'Chest Fever'; Eg er ikkje ein gong sikker på om det finst ord i 'Chest Fever'.» På Woodstockfestivalen i 1969 spelte The Band den siste dagen, mellom Ten Years After og Blood, Sweat, and Tears. Dei opna med «Chest Fever». Songen inneheld ein dramatisk orgelsolo i introen av Garth Hudson. Under konsertane utvikla dette seg til ein improvisert solo frå fleire musikkstilar som varte i fleire minuttar. Viney seier at «når Levon Helm har klaga på fordelinga av honorara frå denne perioden, så er det denne songen han nemner. Han meiner at medverknaden til Garth er kraftig undervurdert. Som han seier 'kva er det du hugsar frå 'Chest Fever' - teksten eller orgelet?'» Songen er spelt fleire gonger av andre band, som Three Dog Night, Widespread Panic og Tishamingo. Medverkande
Utvald diskografi
Three Dog Night 1969 Three Dog Night: Live 1988 Captured Live at the Forum/Harmony 2006/1969 Three Dog Night/Suitable for Framing 2004 Endless Highway: The Music of The Band 2007 The Point 2007 Punctuated Equilibrium 2009 (berre vinyl) Kjelder
Bakgrunnsstoff |
|||||||||||||||||||||||||||
