Horborg

Wapen/Flagg	Koort
Basisdaten
Bundsland: Hamborg
Flach:	3,9 km²
Inwahnerdicht:	6.404,9 Inwahners pro km²
Hööchd:	79 m över NN
Postleettall:	21073, 21075, 21079
Vörwahl:	040
Geograafsche Laag:	Koordinaten:53° 28′ N, 9° 59′ O53° 28′ N, 9° 59′ O
Grenzen bi OSM:	299467

Horborg (hoochdüütsch Harburg) weer fröher ene sülvstännige Stadt un is hüüt Deel vun de Stadt Hamborg (Bezirk Horborg).

De ole Oortskern von Horborg liggt op’n Rand von de Geest na de Masch von de Süderelv hen. Bi Horborg is fröher de Loths in de Süderelv münnt. De Loths is vondaag as Deel von’n Seevkanaal utboot. In’n Süden von dat ole Horborg münnt de Engelbeek in’n Seevkanaal.

De Geest geiht in’n Westen von Horborg in de Horbörger Bargen över.

Dat eerste Maal warrt vun de Horborg in dat Johr 1142 schreven. Bi disse Borg geev dat denn in dat 13. Johrhunnert ene Siedlung. De hett 1297 dat Stadtrecht kregen. De Hertög vun Lünborg-Celle hebbt vun 1642 an de ole Borg to ene Festung utboot. 1705 keem de Stadt an dat Kurförstendom Hannover. 1847 keem ok de Iesenbahn. De eerste Streek güng na Hannober. 1866 keem Horborg mit dat Kurförstendom Hannover an Preußen. 1872 hett de Iesenbahn denn Ansluss över de Elv na Hamborg kregen.

1888 sünd Heimfeld un Wilsdörp na de Stadt Horborg kamen. Lauenbrook hebbt se an’n 1. April 1906 un Eißendörp an’n 1. April 1910 Horborg toslagen. To’n 1. Juli 1927 hebbt se dör dat Ünnerelvgesett de beiden Städer Horborg un Willemsborg to de Stadt Horborg-Willemsborg tohoopslaten. Aver disse Stadt harr nich lang Bestand un to’n 1. April 1938 keem Horborg-Willemsborg mit dat Groot-Hamborg-Gesett an de Stadt Hamborg. Hüüt gellt Horborg as Bezirk vun de Stadt un dat Bundsland Hamborg. Ok en Stadtdeel in dissen Bezirk warrt Horborg nöömt.

Siet 1978 hett Horborg ok ene Technische Universität.

• 1827–1835: Johann Gottlieb Hansing
• 1835–1855: August Bahr
• 1855–1883: August Grumbrecht
• 1883–1885: Wilhelm Schorcht
• 1885–1899: Julius Ludowieg
• 1899–1924: Heinrich Denicke
• 1925–1927: Walter Dudek (na 1927 → Horborg-Willemsborg)

Baas von’n Stadtkreis 8 (Horborg, Finkwarder, Süderelv, Willemsborg):

• 1945: Edzard Dyes
• 1945–1946: Walter Dudek
• März 1946–1949: Alfred Höhlein

na 1949 → Baas von dat Bezirksamt Horborg

Dat Wapen von Horborg wiest op sülvern Grund en rood Stadtdoor mit dree Toorns op. De Toorn in de Midd hett en blau Dack. De Müür hett en gollen Door, in dat en blau Lööw mit rode Tung steiht.

De Lööw steiht för de Hertög von Bruunswiek-Lümborg.

Ehrenbörgers von Horborg weren:^[6]

• 1849: Johann Heinrich Blohm, Waterbodirekter
• 1859: Eberhard Christian Compe, Oberamtmann
• 1868: Christian Ernst Jochheim, Koopmann
• 1868: Georg Friedrich Steinike, Reeknungsraad
• 1876: Adolf Göschen, Generalsupperndent
• 1876: Friedrich Ludwig Weusthoff, Koopmann
• 1897: Ludwig Heinrich Bernhard Bornemann, Gerichtsraad
• 1897: Rudolf von Bennigsen, Oberpräsident von de Provinz Hannover
• 1899: Julius Ludowieg, Böverbörgermeester 1885–1899
• 1924: Heinrich Denicke, Böverbörgermeester 1899–1924
• 1926: Hermann Maul, Senater
• 1926: Theodor Nöldeke, Orientalist
• 1926: Eduard Weinlig, Senater
• 1927: Friedrich Thörl, Kommerzienraad

Horborg billt en Böverzentrum för de Öörd in de Ümgegend.

1. ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 90: https://books.google.de/books?id=jN5QAAAAcAAJ&pg=RA1-PA90
2. ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 59: http://books.google.de/books?id=Q 5OAAAAcAAJ&pg=PA59
3. ↑ C. H. Jansen: Statistisches Handbuch des Königreichs Hannover. 1824, Sied 242: http://books.google.de/books?id=tG0AAAAAcAAJ&pg=RA1-PA242
4. ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 112: http://books.google.de/books?id=eOI-AAAAcAAJ&pg=PA112
5. ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
6. ↑ Ernst Christian Schütt et al.: Die Chronik Hamburgs. Dortmund (Chronik-Verlag/Harenberg), 1991, ISBN 3-611-00194-5

Horborg. Mehr Biller, Videos oder Audiodateien to’t Thema gifft dat bi Wikimedia Commons.

• Stadtdeel un Bezirksstatistik (hoochdüütsch)
• Horborg op hamburg.de (hoochdüütsch)

Stadtdelen von’n Bezirk Horborg von de Fre’e un Hansestadt Hamborg

Cranz | Eißendörp | Francop | Good Moor | Horborg | Husbrook | Heimfeld | Langenbeek | Marmsdörp | Moorborg | Neefeld | Neegraben-Fischbek | Neeland | Oolwarder | Rönnborg | Sinstörp | Wilstörp