Flagg vun Alaska Flaggenverhältnis 125:177 De Flagg vun den US-Bundsstaat Alaska wurr an’ 2. Mai 1927 annommen. Utsehn vun de FlaggDe Flagg wiest acht golden Steerns up dunkelblau Grund. Se stellt de Steernkonstellatschoon Groot Boor mit den Polarsteern dor. In de offiziell Beschrieven steiht dat Blau, en vun de Natschonalfarven vun de USA, för den Himmel an’ Avend, dat blau Meer, de Bargseen un de Wildblöömen vun Alaska (Vergissmeinnicht). De Farv Gold stellt den Riekdom dor, de sück in de Bargen un Strööms vun Alaska verbargt. HistorieDe Flagg van 1927 wurr dör John Ben („Benny“) Benson entworfen, en 13-johrigen Oorinwahner vun Alaska, de in Seward leven dee. Grund weer en Wettbewarf, bi de Schoolkinner ut ganz Alaska en Flagg för dat Rebeet vun Alaska entwerfen sullen. Etwa 700 Vörslääg geev dat ut de Klassenstuufen 7 bit 12. De meest Vörslääg hebbt Variatschonen vun dat Staatssegel oder Symbole as de Middernachtssünn, dat Polarlucht, Booren oder Goldwascherpannen harrt. Benson kreeg för sien Vörslag en Priesgeld vun 1.000 Dollar un een Klock. TriviaIn en 2001 dörführt Internet-Afstimmen vun de North American Vexillological Association (den Noordamerikaanschen Flaggenkunn-Verband) wurr disse Flagg ünner de teihn best Flaggen vun de US-Bundsstaaten un de kanaadsch Provinzen up den fievten Platz wählt.[1] Enkeld NahwiesenLiteratur
Weblenken
|
