Donn Trenner

Donald ″Donn" Trenner (* 10. März 1927 in New Haven, Connecticut; † 16. Mai 2020^[1]) weer en US-amerikaansch Arrangeur un Pianist vun de Swingära un vun den Modern Jazz. He hett bi Charlie Barnet as ok mit Charlie Parker un Stan Getz arbeit.

To Anfang vun sien Karriere speel Trenner 1943 bit 1945 bi Ted Fiorito. Gemeensam mit sien Fru, de Singerin Helen Carr, hörr he 1947 to dat Orchester vun Buddy Morrow. 1948 leit he mit hör en Trio in San Francisco. 1950-51 hett Trenner bi Charlie Barnet arbeit, buterdem speel un arrangeer he af 1953 bi Jerry Gray, Charlie Parker, Stan Getz, Georgie Auld, Jerry Fielding, Skinnay Ennis, Les Brown, Lena Horne oder Nancy Wilson. 1957 wark he bi Oscar Pettiford un bi Anita O'Day as ok 1958 in Europa. Buterdem nehm he Schallplatten mit Tommy Dorsey, Howard McGhee, Francis Faye, Betty Roche, Nelson Riddle oder Paul Broadnax up. In de 1960er Johren hett he meest as Studiomusiker, Arrangeur un musikalisch Leiter för TV-Produktschonen (as för Shirley MacLaine, de Steve Allen Show un Nightlife Show) arbeit.

• Donn Trenner Trio: Chet Baker - Get Together^[2]

• Charlie Barnet: The Capitol Big Band Sessions (Capitol, 1948-50)
• Les Brown: The Swingin' Sound (Fresh Sound Records, 1959)
• Stan Getz & Chet Baker: Together for the First Time! (Fresh Sound, 1952-53)
• Charles Mingus: West Coast 1945-1949 (Uptown, 1945-49)
• Betty Roche with the Conte Candoli Quintet: Take The "A" Train (Affinity, 1956)

• Kunzler, Martin: Jazz-Lexikon, Reinbek, Rowohlt, 1988
• Richard Cook, Brian Morton : The Penguin Guide To Jazz On CD, London, Penguin, 2nd Edition, 1994 & 6th Edition, 2002
• Carlo Bohländer u. a.: Reclams Jazzführer. Stuttgart, Reclam, 1990

• Trenner in der International Movie Database

1. ↑ Nachruf. CT Insider, 18. Mai 2020, afropen an’n 19. Mai 2020 (engelsch). 
2. ↑ up dat Baker-Album is de Titel There'll Never be Another You mit dat Donn Trenner Trio, mit Gene Englund (b) & Jimmy Pratt (dr)