Birgit Pollmann

Birgit Pollmann (* 6. August 1947 in Bruunswiek^[1]; † 20. August 1994 ok dor^[1]) weer en düütsche Politikwetenschopperin un Verwaltungsbeamtin.

Pollmann is 1947 in Bruunswiek boren. Se hett Politik- un Geschichtswetenschop un Philosophie studeert un 1976 ehren Dokter maakt.^[2] Ehr Habilitatschoon weer 1985.^[2] Se weer denn von 1985 bet 1988 Perfessersche an dat Seminar för Politikwetenschop un Soziologie von de Technische Universität Bruunswiek un von’n 1. September 1988 bet 1993 Stadtraad för Kultur, School un Sport in Bruunswiek.^[1] In’n September 1993 is se Regerungspräsidentin von’n Regerungsbezirk Lümborg worrn, nadem Manfred Imgart trüggtreden weer. Dat is se bleven bet to ehren Dood 1994. Pollmann is an’n 20. August 1994 ganz unverwacht dör en Gehirnblutung doodbleven.^[2] Se is op’n Hauptkarkhoff Helmstidder Strate begraven.^[1] Na ehr is Ulrike Wolff-Gebhardt Regerungspräsidentin worrn.

Polmann weer verheiraadt un harr twee Söhns.^[2]

• Reformansätze in Niedersachsen 1945 - 1949, dargestellt am Beispiel der Gesetzentwürfe zur paritätischen Besetzung der Industrie- und Handelskammern und zur Bodenreform. 1976
• Reformansätze in Niedersachsen. Niedersächsische Landeszentrale für Politische Bildung, [Hannover] 1977
• Niedersachsen in Geschichte und Gegenwart. Niedersächsische Landeszentrale für Politische Bildung, Hannover 1979
• Lehrerinnen in Deutschland und in den USA zwischen Emanzipation und Anpassung. Lang, Frankfort an’n Main 1989
• Die Bedeutung Heinrich Büssings für die Industrialisierung Braunschweigs. Stadtarchiv, Bruunswiek 1993

1. ↑ ^{a b c d} Stadtchronik Braunschweig op braunschweig.de
2. ↑ ^{a b c d} Willy Gorzny: Internationaler Nekrolog. Saur, 1994, Sied 603