Adrian Biddle

Adrian Biddle (* 20. Juli 1952 in London; † 7. Dezember 2005 ok dor) weer en britischen Kameramann.

Loopbahn

Biddle sien Loopbahn füng 1969 as Helpsmann vun den Ünnerwater-Kameramann Egil Woxholt an, bi Filmen as On Her Majesty’s Secret Service oder Captain Nemo and the Underwater City. Anfang vun de 1970er Johren is he na de Firma Ridley Scott Associates wesselt woneem he bi Speelfilmen un Warfclips mitarbeit hett.

Vun 1980 an weer he egenverantwoortlichen Kameramann. In disse Funkschoon hett he mehr as hunnert Warffilmen dreiht. Sien Baas Ridley Scott un den sien Kameramann Derek Vanlint hett he 1979 achter de Kamera assisteert bi den Film Alien. 1986 weer he bi den tweeten Deel ut de Alien-Reeg Aliens vun James Cameron to’n eersten mol sülvst Baaskameramann. Vun dor an hett he bi vele spoodrieke Produkschonen mitarbeit un is för sien Warken ok mehrfack uttekent worrn.

Adrian Biddle is Enn 2005 in’t Öller vun 53 Johren an en Hartinfarkt doodbleven.

Filmografie (Utwahl)

Johr	Titel
1986	Aliens dt.: Aliens – Die Rückkehr
1987	The Princess Bride dt.: Die Braut des Prinzen
1988	Willow
1989	The Tall Guy dt.: Das lange Elend
1991	Thelma & Louise
1992	1492: Conquest of Paradise dt.: 1492 – Die Eroberung des Paradieses
1995	Judge Dredd
1996	101 Dalmatians dt.: 101 Dalmatiner
1997	Fierce Creatures dt.: Wilde Kreaturen
1997	Event Horizon dt.: Event Horizon – Am Rande des Universums
1999	The Mummy dt.: Die Mumie
1999	The World Is Not Enough dt.: James Bond 007 – Die Welt ist nicht genug
2000	102 Dalmatians dt.: 102 Dalmatiner
2001	The Mummy Returns dt.: Die Mumie kehrt zurück
2002	Reign of Fire dt.: Die Herrschaft des Feuers
2004	Laws of Attraction
2004	Bridget Jones: The Edge of Reason dt.: Bridget Jones – Am Rande des Wahnsinns
2005	An American Haunting dt.: Der Fluch der Betsy Bell
2005	V for Vendetta dt.: V wie Vendetta

Utteken

Biddle weer tosamen sössmol för Filmpriesen vörslahn, dorünner ok eenmol för den Oscar as Best Kamera för Thelma & Louise. Uttekent weer he mit twee Priesen:

1998: mit den Europääschen Filmpries in de Kategorie Best Kameramann för The Butcher Boy
2006: mit den Sünnerpries vun’t Brothers Manaki International Film Festival för V for Vendetta (un för’t Levenswark)

Weblenken

Adrian Biddle in de Internet Movie Database (engelsch)

Adrian Biddle

Loopbahn

Filmografie (Utwahl)

Utteken

Weblenken

Portal di Ensiklopedia Dunia