മാറ്റെൽ എന്ന കമ്പനി നിർമിച്ച് വിപണനം ചെയ്യുന്ന ഭാവി പ്രവചിക്കുന്ന ഒരു കളിപ്പാട്ടമാണ് മാജിക് 8-ബോൾ.
പൊള്ളയായ ഒരു ഗോളമാണ് മാജിക് 8-ബോൾ. ഇതിനുള്ളിൽ ഇരുപത് ത്രികോണാകൃതിയിലുള്ള വശങ്ങളുള്ള ഒരു രൂപം (ഐകോസഹൈഡ്രൺ) നീലച്ചായം ലയിപ്പിച്ച ആൾക്കഹോളിൽ പൊങ്ങിക്കിടക്കുന്നുണ്ട്. 20 വശങ്ങളിലും വിവിധ ഉത്തരങ്ങൾ കാണാൻ സാധിക്കും. ഗോളത്തിന്റെ കീഴിലുള്ള സുതാര്യഭാഗത്തുകൂടി ഒരുസമയത്ത് ഒരുത്തരം വായിക്കാൻ സാധിക്കും.
സുതാര്യഭാഗം താഴെ വരുന്ന രീതിയിൽ ആദ്യം ബോൾ പിടിച്ച ശേഷം അതെ അല്ലെങ്കിൽ അല്ല എന്ന് ഉത്തരം ലഭിക്കുന്ന തരത്തിലുള്ള ഒരു ചോദ്യം ചോദിക്കാം. എന്നിട്ട് സുതാര്യഭാഗം മുകളിൽ കൊണ്ടുവരണം. അപ്പോൾ ഉത്തരം സുതാര്യഭാഗത്ത് നീല പശ്ചാത്തലത്തിൽ വെള്ള അക്ഷരങ്ങളിൽ തെളിഞ്ഞുവരും.
മാജിക് 8-ബോളിനുള്ളിലെ 20 ഉത്തരങ്ങൾ:
സാദ്ധ്യമായ 10 ഉത്തരങ്ങൾ സമ്മതത്തെ സൂചിപ്പിക്കുന്നു. (●), 5 എണ്ണം അരുത് എന്ന് പറയുന്നവയാണ് (●), 5 ഉത്തരങ്ങൾ രണ്ടിലൊന്ന് വെളിപ്പെടുത്താത്തവയാണ് (●). പ്രോബബിലിറ്റി സിദ്ധാന്തത്തിലെ കൂപ്പൺ വാങ്ങുന്നയാളുടെ പ്രശ്നം അനുസരിച്ച് അവലോകനം ചെയ്താൽ ശരാശരി 72 തവണ പരീക്ഷിച്ചാൽ 20 ഉത്തരങ്ങളും ഒരു തവണയെങ്കിലും ലഭിക്കും. [1]
{{cite web}}
|year=
