ഇറ്റലിയിലെ നവോത്ഥാനകാല ചിത്രകാരനും ശില്പിയുമായിരുന്ന റാഫേൽ 1511-ൽ പൂർത്തിയാക്കിയ ഒരു ചിത്രമാണ് മഡോണ ഓഫ് ലോറെറ്റോ.[2]ഫ്രാൻസിലെ ചാന്തിലിയിലെ മൂസി കോൻഡെയിൽ ഈ ചിത്രം സൂക്ഷിച്ചിരിക്കുന്നു.[3][4]നൂറ്റാണ്ടുകളോളം, റാഫേൽ പോപ്പ് ജൂലിയസ് II ചിത്രത്തോടൊപ്പം സൂക്ഷിച്ചിരുന്ന ഈ ചിത്രം ആദ്യം സാന്റാ മരിയ ഡെൽ പോപോളോയിൽ, പിന്നീട് സ്വകാര്യ ശേഖരങ്ങളിൽ ആയിരുന്നെങ്കിലും കുറച്ചുകാലം അവയുടെ യഥാർത്ഥസ്ഥാനം അജ്ഞാതമായിരുന്നു.
ചിത്രകാരനെക്കുറിച്ച്
നവോത്ഥാനകാല ഇറ്റലിയിലെ ചിത്രകാരനും ശില്പിയുമായിരുന്നു റാഫേൽ. പിതാവായ ജിയോവാനി സാന്റി ഡ്യൂക്കിന്റെ കൊട്ടാരം ചിത്രകാരനായിരുന്നു. പിതാവ് തന്നെയായിരുന്നു റാഫേലിന്റെ ആദ്യ ഗുരു. പതിനഞ്ചാം വയസ്സിൽ റാഫേൽ പ്രശസ്ത ചിത്രകാരനായിരുന്ന പിയെട്രോ പെറുഗിനോയുടെ കീഴിൽ പരിശീലനം നേടി.
1502-ൽ പെറുഗിനോയുടെ ശിഷ്യനായിരുന്ന പിന്റുറിക്ക്യോയുടെ ക്ഷണം സ്വീകരിച്ച് റാഫേൽ സിയേനയിലേക്ക് പോയി. 1504-ലെ കന്യകയുടെ വിവാഹം (Wedding of the Virgin) ആണ്‌ അദ്ദേഹത്തിന്റെ ആദ്യത്തെ പ്രധാന രചനയായി കണക്കാക്കുന്നത്. റാഫേൽ തന്റെ ജീവിതത്തിന്റെ അവസാനത്തെ 12 വർഷങ്ങൾ കഴിച്ചുകൂട്ടിയതും പ്രശസ്തമായ രചനകളിലധികവും നടത്തിയതും റോമിൽ വച്ചായിരുന്നു. രൂപത്തിന്റെ വ്യക്തത, രചനാരീതി, മനുഷ്യന്റെ ആഡംബരത്തിന്റെ നിയോപ്ലാറ്റോണിക് ആദർശത്തിന്റെ ദൃശ്യനേട്ടം എന്നിവയിലൂടെ അദ്ദേഹത്തിന്റെ ചിത്രങ്ങൾ പ്രശംസിക്കപ്പെടുന്നു.[5]
റാഫേൽ ഒരു "നാടോടികളുടെ" ജീവിതം നയിച്ചു, വടക്കൻ ഇറ്റലിയിലെ വിവിധ കേന്ദ്രങ്ങളിൽ പ്രവർത്തിച്ചിരുന്നു. 1504 മുതൽ ഫ്ലോറൻസിൽ കൂടുതൽ സമയം ചെലവഴിച്ചു.
അവലംബം
↑ 1.01.11.21.3Roger Jones; Nicholas Penny (1987). Raphael. Yale University Press. p. 88.
