ബൻ കി മൂൺ
ഐക്യരാഷ്ട്രസഭയുടെ എട്ടാമത് സെക്രട്ടറി ജനറലായിരുന്ന ഒരു ദക്ഷിണ കൊറിയൻ രാഷ്ട്രീയക്കാരനും നയതന്ത്രജ്ഞനുമാണ് ബൻ കി മൂൺ (ജനനം: ജൂൺ 13, 1944 -). കോഫി അന്നാന്റെ പിൻഗാമിയായി ഈ സ്ഥാനത്തേക്കു തിരഞ്ഞെടുക്കപ്പെട്ട അദ്ദേഹം 2007 മുതൽ 2016 വരെ ഐക്യരാഷ്ട്രസഭയുടെ എട്ടാമത്തെ സെക്രട്ടറി ജനറലായി സേവനമനുഷ്ഠിച്ചു. സെക്രട്ടറി ജനറലായി നിയമിക്കപ്പെടുന്നതിന് മുമ്പ് ജനുവരി 2004 മുതൽ 2006 വരെ തെക്കൻ കൊറിയയുടെ വിദേശകാര്യത്തിന്റെയും വ്യാപാരത്തിന്റേയും ചുമതലയുള്ള മന്ത്രിയായി ചുമതല വഹിച്ചു. 2006 ഫെബ്രുവരിയിൽ അദ്ദേഹം ആ സ്ഥാനത്തിനായി പ്രചാരണം ആരംഭിച്ചു. ദക്ഷിണ കൊറിയയുടെ വിദേശകാര്യ മന്ത്രി എന്ന നിലയിൽ, ഐക്യരാഷ്ട്രസഭ സുരക്ഷാ കൗൺസിലിലെ എല്ലാ രാജ്യങ്ങളിലേക്കും സഞ്ചരിക്കാൻ അദ്ദേഹത്തിന് കഴിഞ്ഞു, ഈ തന്ത്രം പിന്നീട് അദ്ദേഹത്തെ പ്രചാരണത്തിന്റെ മുൻനിരക്കാരനാക്കി മാറ്റി. ഐക്യരാഷ്ട്രസഭയുടെ ഏഷ്യക്കാരനായ രണ്ടാമത്തെ സെക്രട്ടറി ജനറലാണ് ബൻ കി മൂൺ. 2006 ഒക്ടോബർ 13 ന് ഐക്യരാഷ്ട്രസഭയുടെ ജനറൽ അസംബ്ലി എട്ടാമത്തെ സെക്രട്ടറി ജനറലായി ബാൻ ബാൻ തിരഞ്ഞെടുക്കപ്പെട്ടു. 2007 ജനുവരി 1 ന് കോഫി അന്നന്റെ പിൻഗാമിയായി അദ്ദേഹം സ്ഥാനമേറ്റു. സെക്രട്ടറി ജനറൽ എന്ന നിലയിൽ, ലോകമെമ്പാടുമുള്ള സമാധാന പരിപാലനത്തിലും യുഎൻ തൊഴിൽ രീതികളിലും നിരവധി പ്രധാന പരിഷ്കാരങ്ങൾക്ക് അദ്ദേഹം ഉത്തരവാദിയായിരുന്നു. നയതന്ത്രപരമായി, ആഗോളതാപനത്തെക്കുറിച്ച് ശക്തമായ നിലപാടുകൾ സ്വീകരിച്ചിട്ടുള്ള ബൻ, അമേരിക്കൻ പ്രസിഡന്റ് ജോർജ്ജ് ഡബ്ല്യു. ബുഷിനും ഡാർഫർ സംഘർഷത്തിനും മുന്നിൽ ഈ വിഷയം പലയാവർത്തി ഉന്നയിച്ചതോടൊപ്പം ഡാർഫർ സംഘർഷത്തിൽ, സുഡാനീസ് പ്രസിഡന്റ് ഒമർ അൽ-ബഷീറിനെ സമാധാന സേനയെ സുഡാനിലേക്ക് പ്രവേശിക്കാൻ അനുവദിക്കാൻ പ്രേരിപ്പിക്കാൻ അദ്ദേഹം സഹായിച്ചു.[1][2] 2013-ൽ ഫോർബ്‌സ് മാസിക പുറത്തിറക്കിയ ലോകത്തിലെ ഏറ്റവും ശക്തരായ ആളുകളുടെ പട്ടികയിൽ ബാൻ ലോകത്തിലെ ഏറ്റവും ശക്തരായ 32-ാമത്തെ വ്യക്തിയായി തിരഞ്ഞെടുക്കപ്പെട്ടു. ഇത് ദക്ഷിണ കൊറിയക്കാരിൽ ഏറ്റവും ഉയർന്നതാണ്.[3] 2014-ൽ, ലീ കുൻ-ഹീ, ലീ ജെയ്-യോങ് എന്നിവർക്ക് ശേഷം ഏറ്റവും ശക്തനായ മൂന്നാമത്തെ ദക്ഷിണ കൊറിയക്കാരനായി അദ്ദേഹം തിരഞ്ഞെടുക്കപ്പെട്ടു.[4] പാരീസ് ഉടമ്പടി അംഗീകരിച്ച് ഒരു വർഷത്തിനുള്ളിൽത്തന്നെ അത് അംഗീകരിക്കാനും നടപ്പിലാക്കാനും സഹായിച്ചതിന്റെ നേട്ടത്തിന്, 2016-ൽ അമേരിക്കൻ വാർത്താ പ്രസിദ്ധീകരണമായ ഫോറിൻ പോളിസി ബനെ മികച്ച 100 ആഗോള ചിന്തകരിൽ ഒരാളായി തിരഞ്ഞെടുത്തു.[5] വിദ്യാഭ്യാസംബൻ 1970 ൽ സിയോൾ നാഷണൽ യൂണിവേഴ്സിറ്റിയിൽ നിന്നും അന്താരാഷ്ട്ര ബന്ധങ്ങൾക്കായുള്ള ബാചിലേഴ്സ് ബിരുദവും 1985 ൽ ഹാർവാർഡ് യൂണിവേഴ്സിറ്റിയുടെ ജോൺ എഫ് കെന്നഡി സ്കൂൾ ഓഫ് ഗവൺമെന്റിൽ നിന്നും പബ്ലിക് അഡ്‍മിന്സ്ട്രേഷനിൽ മാസ്റ്റർ ബിരുദവും നേടി. സ്വകാര്യജീവിതംവിവാഹിതനായ ബൻ കി മൂൺ രണ്ടു പെണ്മക്കളുടേയും ഒരാൺകുട്ടിയുടേയും പിതാവാണ്.[6]. അദ്ദേഹം നോൺ-ഡിനോമീനിയൽ ക്രിസ്ത്യനായി സ്വയം കണക്കാക്കുന്നു. 1920 കളിൽ കൊറിയയിൽ പ്രചരിച്ച ഉചിമുറ കന്സോ സ്ഥാപിച്ച മഗിയോഹു[7] എന്ന നോൺ ചർച് മൂവ്മെന്റിലെ ഒരംഗമാണദ്ധാഹം. ഇതിലെ കൂടുതലും ഇന്റലക്റ്റ്സ് ആയിട്ടുള്ള അംഗങ്ങൾ സ്വകാര്യ പോതു ജീവിതത്തിൽ ഗോസ്പൽ പ്രചോദന സ്രോതസ്സാക്കുന്നു.[8] സ്വന്തം ഭാഷയായ കൊറിയനു പുറമേ ഇംഗ്ലീഷും ഫ്രഞ്ചും ബൻ നന്നായി കൈകാര്യം ചെയ്യും.[9] 1960 കളുടെ ആദ്യത്തിൽ ഹൈസ്കൂൾ വിദ്യാർത്ഥിയായിരിക്കെ അമേരിക്കൻ റെഡ് ക്രോസ് സംഘടിപ്പിച്ച ഇംഗ്ലീഷ് ഭാഷാ മത്സരത്തിൽ വിജയിച്ച ബൻ വാഷിംഗ്ടൺ ഡി.സിയിൽ വച്ച് അമേരിക്കയുടെ രാഷ്ട്രപതിയായിരുന്ന ജോൺ എഫ്. കെന്നഡിയെ കണ്ടുമുട്ടുകയും അതിനു ശേഷം ഒരു നയതന്ത്രജ്ഞനാകാനായി തീരുമാനിച്ചുറയ്ക്കുകയും ചെയ്തു. ഔദ്യോഗികജീവിതം കൊറിയൻ വിദേശകാര്യ സേവനത്തിൽ ചേർന്നതിനു ശേഷം ബൻ കി മൂണിന്റെ ആദ്യ നിയമനം ന്യൂ ഡൽഹിയിലായിരുന്നു. വിദേശകാര്യ മന്ത്രാലയത്തിന്റെ ഹെഡ് ക്വാര്ടേഴ്സിലെ ഐക്യരാഷ്ട്രസഭാ വിഭാഗത്തിലെ പ്രവർത്തനത്തിനു ശേഷം തെക്കൻ കൊറിയയുടെ യു. എൻ. ലേക്കുള്ള സ്ഥിരം നിരീക്ഷണ ദൌത്യത്തിന്റെ (1991 സെപ്റ്റംബർ 17-ന് മാത്രമാണ് തെക്കൻ കൊറിയ യു.എൻ.-ന്റെ അംഗരാജ്യമായത്) ആദ്യത്തെ സെക്രട്ടറിയായി ന്യൂയോർക്കിൽ സേവനമനുഷ്ടിച്ചു. അതിനു ശേഷം അദ്ദേഹം ഐക്യരാഷ്ട്ര സഭാ വിഭാഗത്തിന്റെ ഡയറക്റ്റർ സ്ഥാനം സ്വീകരിച്ചു. വാഷിംഗ്ടൺ ഡി.സി.-യിലെ റിപബ്ലിക് ഓഫ് കൊറിയയുടെ എംബസിയിൽ രണ്ടു തവണ നിയമിതനായി. ഈ രണ്ട് നിയമനങ്ങള്ക്കിടയിൽ 1990-1992-ൽ അമേരിക്കൻ കാര്യങ്ങള്ക്കായുള്ള ഡയറക്റ്റർ ജനറലായും അദ്ദേഹം സേവനമനുഷ്ടിച്ചു. 1995-ൽ നയ രൂപവത്കരണത്തിന്റേയും അന്താരാഷ്ട്ര സംഘടനകളുടേയും ചുമതലയുള്ള സഹമന്ത്രിയായി അദ്ദേഹത്തിന് സ്ഥാനക്കയറ്റം ലഭിച്ചു. 1996-ൽ പ്രസിഡന്റിന്റെ സുരക്ഷാ ഉപദേഷ്ടാവായി നിയമിക്കപ്പെട്ട അദ്ദേഹം 2000-ത്തിൽ ഉപമന്ത്രിയായും നിയമിക്കപ്പെട്ടു. അദ്ദേഹം ഏറ്റവും അടുത്ത് വഹിച്ചത് പ്രസിഡന്റിന്റെ വിദേശനയ ഉപദേഷ്ടാവ് എന്ന പദവിയാണ്. അവലംബം
|
|||||||||||||||||||||||||||||||||||||||||||||||||||||||||||||||||||||||||
