ബ്രാംറ്റൺ ഐലന്റ്സ് ദേശീയോദ്യാനം
ഓസ്ട്രേലിയയിലെ ക്വീൻസ്ലാന്റിൽ സ്ഥിതിചെയ്യുന്ന ഒരു ദേശീയോദ്യാനമാണ് ബ്രാംറ്റൺ ദേശിയോദ്യാനം. ബ്രിസ്ബേനു വടക്കു-പടിഞ്ഞാറായി 834 കിലോമീറ്റർ അകലെയാണിത്. ബ്രാംറ്റൺ ദ്വീപിന്റെ ഭൂരിഭാഗം പ്രദേശങ്ങളും കാർലിസ്ലെ ദ്വീപിന്റെ എല്ലാ ഭാഗങ്ങളും ഈ ദേശീയോദ്യാനത്തിൽ ഉൾപ്പെടുന്നു. ഈ ദേശീയോദ്യാനത്തിൽ മഴക്കാടുകൾ, മണൽ ബീച്ചുകൾ, പവിഴപ്പുറ്റുകൾ എന്നിവയുണ്ട്.[1] ഇവിടുത്തെ ഏറ്റവും ഉയർന്ന ഭാഗത്തേക്കു നടന്നുപോകാൻ കഴിയും. ബ്രാംറ്റൺ ദ്വീപിനു ചുറ്റുമായി ഒരു വളഞ്ഞുപുളഞ്ഞ പാതയുണ്ട്. 8.7 കിലോമീറ്റർ ദൂരമുള്ള ഈ പാത തുറന്ന യൂക്കാലിപ്റ്റസ് വനങ്ങൾ, മുന്തിരിത്തോപ്പുകൾ, വരണ്ട മഴക്കാടുകൾ, പുൽമേടുകൾ, കണ്ടൽക്കാടുകൾ എന്നിവയിൽക്കൂടി സന്ദർശകരെ നയിക്കുന്നു. [1] കാർലിസ്ലെ ദ്വീപിൽ കാമ്പിങ്ങ് അനുവദിച്ചിട്ടുണ്ട്. ഇവിടെ അതിനുള്ള ഏതാനും സൗകര്യങ്ങളുണ്ട്. ഒക്റ്റോബറിനും മേയ്ക്കുമിടയിൽ ഈ ദേശീയോദ്യാനത്തിലെ ജലത്തിൽ ജെല്ലിഫിഷുകൾ കാണപ്പെടാറുണ്ട്. [1] അവലംബം
|
||||||||||||||||||||||
