വൈശാഖ് സംവിധാനം ചെയ്ത് 2010 മേയ് 7-ന് പ്രദർശനത്തിനെത്തിയ ഒരു മലയാളചലച്ചിത്രമാണ്‌ പോക്കിരി രാജ. മമ്മൂട്ടി, പൃഥ്വിരാജ് സുകുമാരൻ എന്നിവർ നായകന്മാരായി വന്ന ഈ ചിത്രത്തിൽ സിദ്ദിഖ്, ശ്രിയ ശരൺ, നെടുമുടി വേണു എന്നിവരാണ് ഈ ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിച്ചത്. പൃഥ്വിരാജ് ഇതിൽ മമ്മൂട്ടിയുടെ സഹോദരന്റെ വേഷത്തിൽ എത്തുന്നു.
പോക്കിരി രാജ എന്ന ചിത്രത്തിൻ്റെ വിജയം കണക്കിലെടുത്ത് സിനിമയുടെ ഒരു തുടർഭാഗം 2019-ൽ റിലീസ് ചെയ്തു. മധുര രാജ എന്നാണ് ഈ ചിത്രത്തിന് പേര് നൽകിയിരിക്കുന്നത്. ഈ ചിത്രം പോക്കിരി രാജ സിനിമയുടെ ഒരു രണ്ടാം ഭാഗമായിരുന്നില്ല. ഈ ചിത്രത്തിൻ്റെ ഒരു സ്പിൻ ഓഫ് (ഉപോൽപ്പന്നം) ആയിരുന്നു.[1]
