ISBN 81-264-1606-8 (മലയാളം)|ISBN 978-9505115846 (Spanish) ISBN 0-374-15476-7 (English)
സാഹിത്യത്തിനുള്ള നോബൽ സമ്മാനം നേടിയ പെറുവിയൻ നോവലിസ്റ്റ് മരിയോ വർഗാസ് യോസയുടെ പ്രശസ്തമായ നോവൽ ആണ് ദ ഫീസ്റ്റ് ഓഫ് ദ ഗോട്ട് (Spanish: La fiesta del chivo ).2000 ൽ ആണ് ഈ ക്യതി പുറത്തിറങ്ങിയത് .
1930 മുതൽ 1961 വരെ ഡൊമിനിക്കൻ റിപ്പബ്ലിക്കിലെ എകാധിപതിയായിരുന്ന റാഫേൽ ലിയോനിദാസ് ത്രൂഹീയോ മോലീനായുടെ 1961 ലെ കൊലപാതകവും അതിനെ തുടർന്നുണ്ടാകുന്ന സംഭവപരമ്പരകളുമാണീ നോവലിന്റെ കേന്ദ്ര പ്രമേയം .[1]
അനന്യമായൊരു അഖ്യാനരീതിയാണ് യോസ ഈ നോവലിൽ കാഴ്ചവെച്ചിരിക്കുന്നത്. ഇടകലർന്നു വരുന്ന മൂന്ന് ധാരകളിലൂടെയാണ് കഥയുടെ ചുരുൾ നിവരുന്നത്:
ഈ നോവലിന്റെ ചലച്ചിത്രരൂപം 2005 ൽ ലൂയിസ് യോസയുടെ സംവിധാനത്തിൽ പുറത്തിറങ്ങി.
ഡി.സി.ബുക്സ് 2007 ൽ മലയാളത്തിൽ ഈ പുസ്തകം ആടിന്റെ വിരുന്ന് എന്ന പേരിൽ പുറത്തിറക്കി. വിവർത്തനം : ആശാലത [2] ഈ ഗ്രന്ഥത്തിന് വിവർത്തനസാഹിത്യത്തിനുള്ള കേരള സാഹിത്യ അക്കാദമി പുരസ്കാരം ലഭിച്ചിട്ടുണ്ട്.
സർവനാശത്തെക്കുറിച്ചുള്ള ഒരു ഉൾവിളിയിൽ മരവിച്ച് അയാളുണർന്നു.ഉടലാസകലം കണ്ണുകളുള്ള രോമാവൃതനായ ഒരു പ്രാണി വിഴുങ്ങാൻ തുടങ്ങുന്നതു പോലെ .ഇരുട്ടിൽ ,അതിന്റെ വലയിൽ കുടുങ്ങി നിശ്ചേഷ്ടനായിക്കിടന്ന് അയാൾ ഇരുട്ടിലേക്ക് നോക്കി. കണ്ണുചിമ്മി. കിടക്കയ്ക്കരികിൽ തോക്കും നിറച്ച സബ് മെഷീൻ ഗണ്ണും വച്ചിരിക്കുന്ന മേശപ്പുറത്തേക്ക് ആഞ്ഞ് കൈനീട്ടി. എന്നാൽ ആയുധമല്ല കൈയിൽ തടഞ്ഞത്,അലാറം ക്ലോക്കാണ്. നാലാകാൻ പത്ത് മിനിറ്റ്. അയാൾ നിശ്വസിച്ചു. ഉറക്കം ഇപ്പോൾ പൂർണമായി വിട്ടിരിക്കുന്നു. പേടിസ്വപ്നങ്ങൾ ഇനിയുമുണ്ടാകുമോ?കുറച്ചു മിനിറ്റുകൾ കൂടി ഇനിയും ബാക്കിയുണ്ട്. കൃത്യനിഷ്ഠ അയാൾക്കൊരു ഒഴിയാ ബാധയാണ്. നാലുമണിക്കു മുൻപ് ഒരിക്കലും കിടക്ക വിട്ടെണീക്കില്ല. ഒരു മിനിറ്റ് നേരത്തെയുമില്ല, ഒരു മിനിറ്റ് വൈകിയുമില്ല.
[3]
{{cite book}}
|title=
നോവലുകളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.
