അബിൻ ജേക്കബ് സംവിധാനം ചെയ്ത് 2014-ൽ പുറത്തിറങ്ങിയ മലയാള ചലച്ചിത്രമാണ്തോംസൺ വില്ല. കഥയും തിരക്കഥയും സംഭാഷണവും എഴുതിയത് ഡെന്നീസ്‌ ജോസഫ്‌ ആണ്.[1]അനന്യ,ഹേമന്ത് മേനോൻ,സരയൂ ,ലെന ,ഇന്നസെന്റ് തുടങ്ങിയവർ അഭിനയിച്ച ഈ ചിത്രം ശ്രീ യുണൈറ്റഡ് മൂവി മേക്കേഴ്സ് യു എസ് എയുടെ ബാനറിൽ നിർമ്മിച്ചതാണ്.[2] ഓ എൻ വി എഴുതിയ വരികൾക്ക് എസ്.പി. വെങ്കിടേഷ് സംഗീതസംവിധാനം നിർവഹിച്ചു [3][4]
കഥാതന്തു
വർഗ്ഗശുദ്ധിയുടെ പേരിൽ മനുഷൻ സ്വീകരിക്കുന്ന നിലപാടുകൾ കുട്ടികളിൽ ഉണ്ടാക്കുന്ന മനോവ്യാപാരങ്ങൾ ആണ് ഈ മനോഹരചിത്രത്തിന്റെ കഥാബീജം.
പെട്ടെന്ന് ദരിദ്രയാക്കപ്പെട്ട ജീലു പഠനത്തിനിടയിൽ ജോലി അന്വേഷിക്കുന്നു. അതി സമ്പന്നയായ ഷീലാ പോളീനെ പരിചയപ്പെടുന്നു. അവരുടെ കുരുത്തക്കേടുള്ള് മകനെ അടക്കിനിർത്തുന്ന ജോലി ജീലു ഏറ്റെടുക്കുന്നു. തമാശകളിലൂടെയും കുസൃതികളിലൂടെയും അവൾ അവനെ കയ്യിലെടുക്കുന്നു. തോമസ് വില്ലയിൽ താമസിക്കുന്ന ഷീലാപോളിന്റെയും ഭർത്താവിന്റെയും ആ കുഞ്ഞുമായുള്ള അകൽച്ച ജീലുവിനെ ഉത്സുകയാക്കുന്നു. ആ അന്വേഷണം വർഗ്ഗ ശുദ്ധിയിൽ എത്തിച്ചേരുന്നു. യവനരുടെ നേരിട്ടുള്ള പാരമ്പര്യം അവകാശപ്പെടുന്ന ഒരു പ്രത്യേക വിഭാഗത്തിൽ പെടുന്നവരാണ് തോമസ് വില്ലക്കാർ. കുഞ്ഞുങ്ങളില്ലാത്ത ആ ദമ്പതികൾ ഒരു കുഞ്ഞിനെ ദത്തെടുത്തതായിരുന്നു. എന്നാൽ ഇപ്പോൽ ഷീല ഗർഭിണിയായതോടെ ആ തൊമ്മി അവർക്ക് അധികമാകുന്നു. അവരുടെ ജാതിക്കാർ അവനെ അനന്തരാവകാശിയാക്കില്ല. അവനെ ശാന്തനാക്കി അനാഥാലയത്തിലേക്ക് മടക്കലാണ് ജീലുവിന്റെ ജോലി. അവൾ വേദനയോടെയും കൗശലത്തോടെയും അത് നിർവ്വഹിക്കുന്നു.
ഗാനങ്ങൾ :ഓ എൻ വി
ഈണം :എസ്.പി. വെങ്കിടേഷ്
അവലംബം
പുറത്തേക്കുള്ള കണ്ണികൾ
