തമാശ
 ജനങ്ങളെ ചിരിപ്പിക്കുന്ന തരത്തിലുള്ള പ്രവർത്തനങ്ങളെയോ സംസാരങ്ങളെയോ ഇടപെടലുകളെയോ ആണ് ഹാസ്യം അല്ലെങ്കിൽ തമാശ (Comedy) എന്നു പറയുന്നത്. തമാശ സിനിമകളും തമാശ പരിപാടികളും തമാശ നാടകങ്ങളും തമാശ ഗാനങ്ങളുമെല്ലാം അവതരിപ്പിക്കപ്പെടാറുണ്ട്. നാടകം, സിനിമ, സ്റ്റാൻഡ്-അപ്പ് കോമഡി, ടെലിവിഷൻ, റേഡിയോ, പുസ്‌തകങ്ങൾ അല്ലെങ്കിൽ മറ്റേതെങ്കിലും വിനോദ മാധ്യമം എന്നിവയിൽ ചിരി ഉണർത്തിക്കൊണ്ട് നർമ്മം അല്ലെങ്കിൽ രസകരമാക്കാൻ ഉദ്ദേശിച്ചുള്ള പ്രഭാഷണങ്ങളോ സൃഷ്ടികളോ ഉൾക്കൊള്ളുന്ന ഒരു സങ്കല്‌പ്പ വിഭാഗമാണ്. തമാശയായ ടെലിവിഷൻ ഷോകൾക്കോ സിനിമകൾക്കോ വേണ്ടിയുള്ള ഒരു മീഡിയ വിഭാഗമാണ് കോമഡി. കോമഡിയിൽ അഭിനയിക്കുന്ന പേരുകേട്ട ആളുകളെ ഹാസ്യനടന്മാർ എന്ന് വിളിക്കുന്നു. കേൾവിക്കാർ ആരാണോ അവരെ വേദനിപ്പിക്കാതെ ആയിരിക്കണം തമാശ. പഴകിയ ഒരനുഭവം ഇന്ന് ചിലപ്പോൾ ചിരി ഉണർത്തുമെങ്കിലും അത് തമാശ ആവണമെന്നില്ല. അതുകൊണ്ട് തന്നെ ചിരിക്കുന്നു എന്നത് അല്ല തമാശയുടെ മാനദണ്ഡം. ചരിത്രംപുരാതന ഗ്രീക്കുകാർക്ക് ഹാസ്യ പരിപാടികൾ ഉണ്ടായിരുന്നു. അവ ഡയോനിഷ്യ ഉത്സവത്തിൽ മത്സരങ്ങളിൽ അവതരിപ്പിച്ചു. അക്കാലത്തെ ഏറ്റവും അറിയപ്പെടുന്ന ഹാസ്യ രചയിതാക്കളിൽ ഒരാളായിരുന്നു അരിസ്റ്റോഫൻസ് (ഏകദേശം 446-386 ബിസി). അദ്ദേഹത്തിന്റെ കൃതികളിലൊന്നായ ദി ക്ലൗഡ്സ് 425 ബിസിയിൽ അവതരിപ്പിച്ചു. ഇതൊരു സോക്രട്ടീസിന് എതിരായ ഒരു ആക്ഷേപഹാസ്യമാണ്. കൂടാതെ മഹാനായ തത്ത്വചിന്തകനെ ഒരു അഴിമതിക്കാരനായി ചിത്രീകരിക്കുന്നു. രചയിതാവ് സമൂഹത്തെയും ജീവിച്ചിരിക്കുന്ന ആളുകളെയും വിമർശിക്കുന്നു എന്നതാണ് ആക്ഷേപഹാസ്യത്തിന്റെ സവിശേഷത. നർമ്മം അല്ലെങ്കിൽ 'ന്യൂ കോമഡി' എന്നത് ആളുകളെയോ ആശയങ്ങളെയോ വിമർശിക്കുന്നതിനല്ല. മറിച്ച് തമാശയുള്ള സാഹചര്യങ്ങളിൽ കഥാപാത്രങ്ങളെ കാണിക്കുന്നതിനാണ്. ഈ തരത്തിലുള്ള ഏറ്റവും പ്രധാനപ്പെട്ട ഗ്രീക്ക് നാടകകൃത്ത് ആയിരുന്നു മെനാൻഡർ. തരങ്ങൾസ്ലാപ്സ്റ്റിക്പലതരം കോമഡികളുണ്ട്. അത്തരത്തിലുള്ള കോമഡിയെ "സ്ലാപ്പ് സ്റ്റിക്ക് കോമഡി" എന്ന് വിളിക്കുന്നു. സ്ലാപ്പ് സ്റ്റിക്ക് കോമഡിയിൽ ആളുകളെ ചിരിപ്പിക്കാൻ വേണ്ടി ആളുകൾ കാലിടറുക, വീഴുക, സ്വയം നാണം കെടുത്തുക തുടങ്ങിയ നിസാര കാര്യങ്ങൾ ചെയ്യുന്നു. കോമഡി സിനിമകളിലോ കോമഡി ടെലിവിഷൻ ഷോകളിലോ സ്ലാപ്പ് സ്റ്റിക്ക് കോമഡി ഉപയോഗിക്കാം. 1920 കളിലെ നിശബ്ദ സിനിമകളിൽ സ്ലാപ്പ് സ്റ്റിക്ക് കോമഡി ധാരാളം ഉപയോഗിച്ചിരുന്നു. നിശ്ശബ്ദ സിനിമകളിൽ അഭിനയിച്ച ഒരു ഹാസ്യനടനാണ് ചാർളി ചാപ്ലിൻ. 1950-കളിലും 1960-കളിലും ഹാസ്യനടൻ ജെറി ലൂയിസും തന്റെ കോമഡി സിനിമകളിൽ സില്ലി സ്ലാപ്പ് സ്റ്റിക്ക് കോമഡി ഉപയോഗിച്ചിരുന്നു. പാരഡി/സ്പൂഫ്ഒരു പാരഡി അല്ലെങ്കിൽ സ്പൂഫ് സിനിമ മറ്റൊരു വ്യക്തിയെയോ സിനിമയെയോ അനുകരിക്കുകയോ പെരുപ്പിച്ചു കാണിക്കുകയോ ചെയ്യുന്നു അവരെ വിഡ്ഢികളോ മന്ദബുദ്ധികളോ ആയി ചിത്രീകരിക്കുന്നു. കോമഡി സിനിമകൾകോമഡി വളരെ ജനപ്രിയമായ ഒരു സിനിമയാണ്. ചില കോമഡി സിനിമകൾക്ക് "സ്ലാപ്സ്റ്റിക് കോമഡി" ഉണ്ട്. അതിൽ ആളുകളെ ചിരിപ്പിക്കാൻ വേണ്ടി ആളുകൾ കാലിടറി വീഴുക, സ്വയം നാണം കെടുത്തുക തുടങ്ങിയ നിസാര കാര്യങ്ങൾ ചെയ്യുന്നു. മറ്റ് കോമഡി സിനിമകൾ രസകരമായ കഥകളോ ആളുകൾ നിസാരമായി പെരുമാറുന്ന സാഹചര്യങ്ങളോ കാണിക്കുന്നു. ചില കോമഡികൾ വിചിത്രമോ അസാധാരണമോ ആയ ചിത്രങ്ങളോ അർത്ഥശൂന്യമായ സാഹചര്യങ്ങളോ കാണിച്ച് പ്രേക്ഷകരെ ചിരിപ്പിക്കുന്നു. |
