ഒരു ജർമ്മൻ കാലാവസ്ഥാ പ്രവർത്തകനും[1]അലയൻസ് 90/ദി ഗ്രീൻസിന്റെ രാഷ്ട്രീയക്കാരനുമാണ് ജേക്കബ് ബ്ലാസെൽ (ജനനം 2000).
രാഷ്ട്രീയ ജീവിതം
ക്രോൺഷാഗനിൽ വളർന്ന ബ്ലാസൽ 2017-ൽ ഗ്രീൻ പാർട്ടിയിൽ ചേർന്നു.[2]
2018 ലെ ശരത്കാലത്തിലാണ് ബ്ലാസെൽ കീലിൽ ആദ്യ പ്രകടനം സംഘടിപ്പിച്ചത്. നോർത്ത് റൈൻ-വെസ്റ്റ്ഫാലിയയിലെ ഹംബാച്ച് വനം സംരക്ഷിക്കുന്നതിനെക്കുറിച്ചായിരുന്നു അത്. അത് ലിഗ്നൈറ്റ് ഖനനത്തിനായി നീക്കം ചെയ്യപ്പെടേണ്ടതായിരുന്നു.[3] താമസിയാതെ, വടക്കൻ ജർമ്മനിയിലെ കാലാവസ്ഥയ്ക്കുവേണ്ടിയുള്ള ആദ്യത്തെ സ്കൂൾ സമരത്തിന്റെ തുടക്കക്കാരനായി അദ്ദേഹം മാറി.[4][5] 2019 മെയ് മാസത്തിൽ, മിലാനിൽ നടന്ന ഇഎസ്എയുടെ ലിവിംഗ് പ്ലാനറ്റ് സിമ്പോസിയത്തെ അദ്ദേഹം അഭിസംബോധന ചെയ്തു.[6]
2020-ൽ, ലിസ ബദൂമിന്റെ പാർലമെന്ററി ഓഫീസിൽ ബ്ലാസെൽ ഇന്റേൺഷിപ്പ് പൂർത്തിയാക്കി. 2021 ലെ ദേശീയ തിരഞ്ഞെടുപ്പിന് മുന്നോടിയായി, ഗ്രീൻ പാർട്ടി അദ്ദേഹത്തെ ഷ്ലെസ്വിഗ്-ഹോൾസ്റ്റീനിലെ റെൻഡ്സ്ബർഗ്-എക്കർൺഫോർഡ് ഡിസ്ട്രിക്റ്റിലേക്കുള്ള സ്ഥാനാർത്ഥിയായി നാമനിർദ്ദേശം ചെയ്തു.[7] ആദ്യ മുൻഗണനാ വോട്ടുകളുടെ 14.8% അദ്ദേഹം നേടി, SDP സ്ഥാനാർത്ഥി സോങ്കെ റിക്‌സിനും CDU സ്ഥാനാർത്ഥി ജോഹാൻ വാഡെഫുളിനും പിന്നിൽ മൂന്നാമതായി.[8]
