അമേരിക്കൻ ഐക്യനാടുകളിലെ തെക്കൻ കരോലിന സംസ്ഥാനത്തിൽ സ്ഥിതിചെയ്യുന്ന ഒരു ദേശീയോദ്യാനമാണ് കാൺഗറി ദേശീയോദ്യാനം (ഇംഗ്ലീഷ്: Congaree National Park). 26,276-ഏക്കർ (41.06 ച മൈ; 10,633.52 ഹെ; 106.34 കി.m2) ആണ് ഈ ദേശീയോദ്യാനത്തിന്റെ വിസ്തൃതി. 2003 ലാണ് ഈ ദേശീയോദ്യാനത്തെ ഔദ്യോഗികമായി പ്രഖ്യാപിക്കുന്നത്. അമേരിക്കൻ ഐക്യനാടുകളിലെ ഇന്ന് അവശേഷിക്കുന്ന ഏറ്റവും വലുതും, പഴക്കം ചെന്നതുമായ ബോട്ടം ലാൻഡ് ഹാർഡ്വുഡ് വനങ്ങളുടെ സംരക്ഷണകേന്ദ്രംകൂടിയാണ് ഈ വനം. കിഴക്കൻ അമേരിക്കയിലെതന്നെ ഏറ്റവും ഉയരം കൂടിയ മരങ്ങളാണ് ഇവിടെ കണ്ടുവരുന്നത്. കാൺഗറി നദി ഈ ദേശീയോദ്യാനത്തിനുള്ളിലൂടെ ഒഴുകുന്നു. ദേശീയോദ്യനത്തിന്റെ വിസ്തൃതിയുടെ 57 ശതമാനം (15,000 ഏക്കർ or 61 square കിലോmeter) സംരക്ഷിത വനഭൂമിയായി പ്രഖ്യാപിച്ചിട്ടുണ്ട്.
