തമിഴ്നാട്ടിലെ അരിയലൂർ ജില്ലയിലാണ് കരൈവെട്ടി പക്ഷി സങ്കേതം[1] . അരിയലുർ പട്ടണത്തിൽ നിന്നുള്ള അകലം 12 കിലോമീറ്റർ. 4.537 ചതുരശ്ര കിലോമീറ്റർ (1.752 ചതുരശ്ര മൈൽ) വിസ്തൃതിയുള്ള ഒരു സംരക്ഷിത പ്രദേശവും റാംസർ സൈറ്റുമായ ഈ പക്ഷി സങ്കേതത്തിൽ 90 ഇനം ജലപക്ഷികളെയും 100 ഇനം കരപക്ഷികളെയും രേഖപ്പെടുത്തിയിട്ടുണ്ട്. തഞ്ചാവൂരിൽ നിന്ന് ഏകദേശം 25 കിലോമീറ്റർ (16 മൈൽ) അകലെയാണ് ഈ സങ്കേതം. പുല്ലമ്പാടി, കട്ടാലാൽ കനാൽ വഴി പോഷിപ്പിക്കപ്പെടുന്ന ഇവിടുത്തെ ശുദ്ധജല തടാകം എല്ലാ വർഷവും ആയിരക്കണക്കിന് പക്ഷികളെ ആകർഷിക്കുന്നു. 1999 ൽ തമിഴ്നാട് സർക്കാർ ഈ തടാകത്തെ ഒരു സങ്കേതമായി പ്രഖ്യാപിക്കുകയും 2024 ൽ ഇത് ഒരു റാംസർ സൈറ്റായി മാറുകയും ചെയ്തു. പ്രതിവർഷം ആകെ 50,000 പക്ഷികൾ ഇവിടെ എത്താറുണ്ട്.
പറക്കുന്ന കറിത്തലയൻ വാത്ത (Barheaded goose), സ്പൂൺ ചുണ്ടൻ കൊറ്റി(Spoon billed stork ) വർണ കൊക്കുകൾ , പെലിക്കൻ തുടങ്ങിയവ ആണ് പ്രധാന ജല പക്ഷികൾ.
സ്പൂൺ ചുണ്ടൻ കൊറ്റി
അവലംബം
↑"Karaivetti Bird Sanctuary". forests.tn.nic.in. Archived from the original on 2013-08-05. Retrieved 2013 ഓഗസ്റ്റ് 5. {{cite web}}: Check date values in: |accessdate= (help)CS1 maint: bot: original URL status unknown (link)