ഇന്റൽ എഡിസൺ
ശരീരത്തിലോ മറ്റോ ധരിക്കാവുന്ന ഉപകരണങ്ങൾക്കായി ഇന്റൽ രൂപകൽപ്പന ചെയ്ത ഒരു കമ്പ്യൂട്ടർ-ഓൺ-മൊഡ്യൂൾ (ചെറിയ കമ്പ്യൂട്ടർ) സിസ്റ്റമാണ് ഇന്റൽ എഡിസൺ.[1]കൂടാതെ ഇന്റർനെറ്റ് ഓഫ് തിംഗ്സ് ഉപകരണങ്ങൾക്ക് വേണ്ടിയും ഇത് ഉപയോഗിക്കാം. ഇതിനു ഒരു എസ്ഡി കാർഡിന്റെ വലിപ്പം മാത്രമാണുള്ളത്. ഇതിന്റെ പ്രചരണത്തിനായി ഇന്റൽ ക്യാമ്പയ്‌നും തുടങ്ങിയിട്ടുണ്ട്. "വാട് വില്ല് യൂ മൈക്ക് വിത് ഇന്റൽ എഡിസൺ" എന്നാണ് ക്യാമ്പെയ്ന്റെ മുദ്രാവാക്യം. ഈ കുഞ്ഞൻ കംപ്യൂട്ടറിനുള്ളിൽ 4 ജിബി സ്റ്റോറേജും 1 ജിബി മെമ്മറിയോടൊപ്പം വൈഫൈ , ബ്ലുടൂത് കണക്ടിവിറ്റി വഴി ആശയവിനിമയം നടത്തുന്ന 400 മെഗാഹെർട്‌സ് ഡ്യുവൽ കോർ ഇന്റൽ ക്വാർക്ക് x86[2] സിപിയുവും അടങ്ങിയിരിക്കുന്നു.[3][4][5]പിന്നീടുള്ള ഒരു പ്രഖ്യാപനം സിപിയുവിനെ 500 മെഗാഹെഡ്സ് സിൽവർമോണ്ട് ഡ്യുവൽ കോർ ഇന്റൽ ആറ്റം സിപിയു ആക്കി മാറ്റി,[6] കൂടാതെ 2014 സെപ്റ്റംബറിൽ എഡിസന്റെ രണ്ടാമത്തെ പതിപ്പ് ഐഡിഎഫിൽ(IDF) പ്രദർശിപ്പിച്ചു, അത് ഒരു സാധാരണ എസ്ഡി കാർഡിനേക്കാൾ വലുതും കട്ടിയുള്ളതുമാണ്.[3][7][8] ബോർഡ് 2017 ജൂൺ 19-ന് നിർത്തലാക്കി.[9] അവലംബം
|
||||||||||||
