Kalentadores de agua bazados en enerjiya solar, en Yerushalayim
La Enerjiya Solar en Israel i la Endustria Solar Yisraeli tiene una istorya ke va desde la fondasion del paez enel anyo 1948. Oy endiya, los enjenieros yisraelis son konosidos en todo el mundo por la su ekspertisa enel dezvelopamyento de sistems de enerjiya solar[1] i las entreprisas yisraelis de enerjiya solar lavoran desinyando muevos sistems en todo el mundo[2]
Istorya
En la anyada de los 50, Levi Yissar dezvelopó un kalentador solar para adjudar a gastar menos enerjiya bazada en los kombustivles fosiles.[3] Ya para el anyo 1967 una de kada veinte kazas tinía este kalentador, lo kualo yega a un numero de 50,000, aproksimadamente. Ma afilú dempues de la Gerra de los Sesh Dias, en la kuala se konkistaron kampos de petrolio enel nord de Ayifto i las buenas relasiones kon Iran izieron ke la enerjiya elektrika derivada del petrolio fuese má barata. Ma kon la kriza de los anyos 70 i la eskalada en los presios del petrolio, Harry Zvi Tabor, el padre de la endustria solar yisraeli, dezvelopó el prototip de kalentador bazado en enerjiya solar el kualo es uzado oy endia enel 90% o más de las kazas yisraelis[4]; estos sistems, de akódro kon el Ministerio Yisraeli de Infraestruktura Nasionala, kuvren el 4% de la nesechitá nasionala de enerjiya.
La chanáka solar má grande del mundo, en Sde Boker
Estasiones de Enerjiya Solar
El desyérto del Negev i la Aravá son las rejiones del paez kon má iluminasion del sol, i ya ke poka de la su tyérra se puede sembrar, se esta uzando para kriar parkos o estasiones de enerjiya solar. Aktualmente se esta fraguándo un parko solar de 250 MW en el nord del desyérto de Negev, en Ashalim, má afilú no se espera ke jenere enerjiya asta el anyo 2013[5]. Entre las estasiones de enerjiya solar del paez se ankontran:
La fasenda privada de la famiya Tenne, la priméra estasion de enerjiya solar aperturada enel paez, enel anyo 2008 a un koste de 1.3 milyones de shekels. La planta produse 50 MW[6].
Enel kibbutzReim, ubikado enel Oksidente del Negev, la entreprisa Sunday Solar Energy anunsió en Disiembre del anyo 2008, ke el kibbutz Reim, iva ser la priméra komunita del mundo uzando sólu enerjiya solar[8]. El parko solar en kibbutz Reim tiene un koste de entre 60 i 100 milyones de shekels i va jenerar 2.5 MW.
Enel kibbutzSamar, ubikado en la Aravá, fue aperturada el 24 de Djulio de 2009 "Flower Power", la priméra estasion de enerjiya solar del paez ke kria enerjiya termala kon adjuda del Sol, konstruyida por la entreprisa AORA[11]. Esta planta es la priméra del mundo en fonksionar de diya kon la luz del sol, i en las noches jenera enerjiya kon gas natural[12]. Esta planta chika produse 0.1 MW para unas 40 kazas del kibbutz[13]
