Republiko Irlando havas mikra ekonomio moderna e dependanta del exportaci. Ol esis un ek la 12 landi qui komencis uzar Euro kom monetaro en 2002. Lua ekonomio kreskis mezvalore 6% omnayare de 1995 til 2007; pro to ol surnomizesis "Kelta Tigro". Tamen, l'ekonomiala agado diminutis en 2008, konseque del internaciona krizo qua komencis ta yaro. En 2010, yaro kun stagnanta ekonomial aktiveso, lua budjetala deficito atingis 32,4% de la TNP. En 2011, lua TNP kreskis per 2,2%, ed en 2012 ol kreskis per 0,2%, fakte reala diminutado ekonomiala. En 2013 ol kreskis per 1,1%, ed en 2014 ol kreskis per 2,2%. En 2015, pro diversa motivi, l'ekonomio kreskis per 26,3%, tamen ca chifro kontestesis da diversa ekonomisti, exemple Paul Krugman.
En 2022, servadi esis la maxim importanta sektoro di Irlandan ekonomio. Existis 145 217 entraprezi di servadi enrejistrita en la lando.
