Parto ek l'ekonomio di Namibia esas moderna e kun emfazo en l'exportaci, qui produktas granda parto di la richeso di la lando. La lando havas plu kam 200 mil personi kun bona laborokapableso e granda nombro do jeranti[3]. Tamen, la maxim multa habitanti praktikas agrokultivo ed edukado di bestii nur por transvivo. La lando esas richa en naturala resursi e havas granda potencialo por produkto di energio. Ol anke havas multa turistal atraktivi.
La koncentro di richeso en Namibia esas un ek la maxim alta de la mondo. En 2003, lua Gini-indexo esis 0,707. En 2015 ol diminutis a 0,591, tamen ol duras esar la 2ma maxim granda de la mondo, dop olta di Sudafrika[1]. Tamen, ta statistiko povas esar eroriganta, nam multa Namibiani, nome norde de la lando, habitas rurala regioni, e transvivas sen uzar pekunio, kultivanta por propra susteno.
