Petrolo esas la precipua ekonomiala produkturo di Bahrain, e reprezentas 60% del exportaci, 70% de la guvernala revenui e 11% de la TNP di la lando, malgre l'esforci pri variigar lua ekonomio. Altra importanta ekonomial agadi esas l'exportaco di aluminio - la duesma produkturo por exportaco di la lando - la financala sektoro e la konstrukturo. En 2023, la TNP di Bahrain kreskis 2,45%, ma altra sektori ultre petrolo kreskis 4,48%, montranta ke l'esforci di la lando pri diversigo ekonomiala esis sucesoza. La taxado di kompanii qui explotas petrolo e gaso atingas 46%, ma ne existas personala imposto pri revenuo en en la lando.
Segun informo del Indexo pri Ekonomiala Libereso por la yaro 2019, Bahrain havas la 5ma maxim libera ekonomio inter 14 landi de Proxim Oriento ed Afrika.[3] En agosto 2006, la lando adoptis kontrato pri libera komerco kun Usa, l'unesma kontrato di ca tipo inter lando de Persiana gulfo ed Usa.
