ActiveX

ActiveX
instantia de: software framework[*]
sito web official: sin valor
Commons: ActiveX

ActiveX es un ambiente pro definir componentes reusabile de programmatura de forma independente del linguage de programmation. Le applicationes de programmatura pote esser designate per medio de un o plus de iste componentes pro assi provider su correspondente functionalitate.^[1]

ActiveX ha essite presentate in 1996 per Microsoft como un evolution de su technologias Component Object Model (COM) e Object Linking and Embedding (OLE), e es usate generalmente in su systema de operation Windows, ben que le technologia generalmente non es attachate al mesme.

Multe applicationes Microsoft Windows - includente multes del proprie Microsoft como poterea esser Internet Explorer, Microsoft Office, Microsoft Visual Studio, e Windows Media Player - usa controlos ActiveX pro provider su jocos de functionalitate e anque encapsular su proprie functionalitate como controlos ActiveX que assi pote esser portate in altere applicationes. Internet Explorer anque permitte portar su proprie controlos ActiveX in paginas web.

Le controlos ActiveX es parve blocos empleate pro le creation de programma, que on pote usar pro crear applicationes distribuite functionante super Internet per navigatores web. Alcun exemplos include applicationes pro le compilation de datos, pro le visualisation de typos de datos determinate o pro reproducer animationes.

Le idea del controlos ActiveX esseva bon in tanto que ha essite designate con le finalitate de esser discargate e executate per le navigatores web. Le applets Java anque lo face, sed le controlos ActiveX presenta limitationes que non se trova in le applets Java:

• Le applets Java es capace de executar se in quasi qualcunque platteforma, durante que le componentes ActiveX solmente functiona officialmente con le navigator web Internet Explorer, de Microsoft, e le systema de operation Microsoft Windows.^{[require referentia]} Le malware, como le viruses informatic o le spyware, poterea infectar accidentalmente le usator visitante qualcunque sito web contaminate o maliciose que gererea le discargas facente uso de controlos ActiveX.

On pote programmar le controlos ActiveX in qualcunque linguage con supporto pro disveloppamento de componentes COM, includite:

• C++ Tanto directemente como con le adjuta de bibliothecas como ATL o MFC^[2]
• Borland Delphi
• Visual Basic

Alcun exemplos de controlos ActiveX es le command buttons, list boxes, dialog boxes, e le proprie navigator web Internet Explorer.^{[require referentia]}

Quando Microsoft es vadite al complexitate de OLE 2.0, e donate que le MFC contava con un supporto de COM povre, isto ha decidite de rationalisar le specificationes pro simplificar illos e ha cambiate le nomine del technologia, in 1996, appellante lo ActiveX.^[3][4] Mesmo post dicite simplification, le usatores sequeva controlos requirente con lo que implementa approximativemente sex interfaces principal. Como responsa a iste necessitate, Microsoft ha producite assistentes, classes basic de ATL, macros e extensiones pro le linguage de programmation C++, con le fin de render plus accessibile le implementation del controlos.

A partir de Internet Explorer 3.0 (1996), Microsoft ha addite supporto pro le inclusion de controlos ActiveX in contentos HTML. De iste maniera, quando le navigator web trovava un pagina web que definiva un controlo ActiveX usante un etiquetta de HTML de typo OBJECT, on discargava e installava automaticamente le controlo, con pauc o necun interaction del usator. Assi le functionalitate del web se extendeva, sed anque nove problemas de securitate se creava (specialmente essente donate le falta del interaction del usator.) De plus, altere criticas ha surgite, principalmente a causa que iste controlos esseva pensate pro functionar solmente con Windows. Microsoft ha introducite posteriormente mesuras de securitate pro render plus secur le navigation con ActiveX:^[5]

• signatura digital del pacchettos de installation (executabile e archivos Cabinet);
• le controlos debeva declarar se como secur pro scripting;
• configuration de securitate predeterminate de plus in plus secur;
• mantenimento, per parte de Internet Explorer, de un lista nigre de controlos malefic.

Il es non sempre possibile utilisar Internet Explorer pro executar le contento ActiveX (per exemplo, in un installation como WINE)

• FF ActiveX Host pro executar controlos ActiveX con Mozilla Firefox (in Windows solmente).
• Controlo ActiveX pro Mozilla ha essite actualisate pro le ultime vice al fin de 2005 e se executa in Firefox 1.5.
• MediaWrap pro Firefox Archived 2010-12-04 at the Wayback Machine ha essite actualisate pro le ultime vice le 12 de junio 2008 e se executa in le versiones 1.5 a 3.5.* de Firefox.

ActiveX se trova in multe altere productos de Microsoft. In 2009 il es ancora in uso:

• ActiveX Data Objects (ADO)
• Active Server Pages
• ActiveMovie, cuje ultime nomine es DirectShow
• Active Messaging, al qual postea on ha ponite Collaboration Data Objects;
• Active Scripting, pro facer scripting con objectos ActiveX;
• ActiveX Streaming Format (ASF), al qual postea on ha ponite Advanced Streaming Format, e plus tarde Advanced Systems Format.

1. ↑ (anglese) Introduction to ActiveX Controls in microsoft.com, accedite le 8 de octobre 2013
2. ↑ (anglese) http://msdn.microsoft.com/en-us/library/ms974283.aspx Creation de componentes ActiveX in C++
3. ↑ (anglese) Uso de ActiveX con LabVIEW – Examining Mission Editor Version 1.0. NI Developer Zone. National Instruments (13 de martio 2007). Archivo del original create le 2008-02-28. Recuperate le 12 de martio 2009. “Le termino ActiveX ha apparite pro le prime vice in le area de Microsoft al comenciamento de 1996.”
4. ↑ (anglese) Microsoft Announces ActiveX Technologies: Microsoft Corp. announced ActiveX Technologies, which make it easy for the broadest range of software developers and Web designers to build dynamic content for the Internet and the PC.. Microsoft PressPass. Microsoft (12 de martio 1996). Recuperate le 12 de martio 2009. “San Francisco, March 12, 1996 - Microsoft Corporation. today announced ActiveX ... Technologies, which make it easy for the broadest range of software developers and Web designers to build dynamic content for the Internet and the PC. ... ActiveX Technologies form a robust framework for creating interactive content using software components, scripts and existing applications. Specifically, ActiveX Technologies enable developers to build Web content easily using ActiveX Controls (formerly OLE Controls), active scripts and active documents. ... ActiveX Technologies are available in the form of the Microsoft ActiveX Development Kit, which is being distributed to more than 4,000 developers attending the Professional Developers Conference in San Francisco todaynot true.”
5. ↑ (anglese) Activating ActiveX Controls. Activating ActiveX Controls. Archivo del original create le 2006-04-19. Recuperate le 16 de junio 2009.

• (anglese) A activar Controlos ActiveX Archived 2013-05-08 at the Wayback Machine

Iste pagina contine material traducite ab Wikipedia in espaniol. Le articulo original se trova in le version 68554728 de es:ActiveX, e es usate secundo le mandatos del licentia de Wikipedia.