Ruth Etting

Ruth Etting

Biografía
Nacemento	23 de novembro de 1897 David City, Estados Unidos de América
Morte	24 de setembro de 1978 (80 anos) Colorado Springs, Estados Unidos de América
Causa da morte	doenza
Lugar de sepultura	Mausoleo do Santuario da Lembranza
Actividade
Ocupación	cantante, actriz de cinema, actriz de teatro, moza Ziegfeld
Instrumento	Voz
Premios
estrela no Paseo da Fama de Hollywood
Descrito pola fonte	Ziegfeld Girls Index (en)
Sitio web	ruthetting.com

Ruth Etting, nada en David City o 23 de novembro de 1896 e finada en Colorado Springs o 24 de setembro de 1978, foi unha cantante e actriz estadounidense, de grande éxito nas décadas de 1920 e 1930. Gravou máis de sesenta discos. Os seus maiores éxitos foron "Shine On Harvest Moon", "Ten Cents a Dance" e "Love Me or Leave Me" e as gravacións máis populares inclúen "Button Up Your Overcoat", "Mean to Me", "Exactly like you" e "Shaking the Blues Away".

Ruth Etting naceu en Nebraska, mais deixou o seu fogar aos dezasete anos para entrar nunha escola de artes en Chicago.^[1] Conseguiu un traballo para deseñar vestidos para os empregados, cantantes e bailaríns, do club Marigold Gardens.

Converteuse en cantante do club e despois casou co gangster Martin "Moe the Gimp" Snyder o 12 de xullo de 1922.^[2] Snyder promoveu a súa carreira, conseguindo aparicións na radio e un contrato de exclusividade con Columbia Records. Etting debutou en Broadway co espectáculo Ziegfeld Follies of 1927, e participou noutros espectáculos nun rápido ascenso. Entre esas obras figuran Simple Simon e Whoopee!.^[3] En Hollywood participou nunha longa serie de curtametraxes entre 1929 e 1936, alén de tres longametraxes en 1933 e 1934. En 1936 ela debutou en Londres en Transatlantic Rhythm de Ray Henderson.

Etting divorciouse de Moe Snyder o 30 de novembro de 1937. Ela namorárase do pianista Myrl Alderman que en 1938 levou un tiro e ficou ferido nunha discusión co ex marido de Etting. Snyder foi condenado por tentativa de homicidio mais apelou e saíu da cadeia despois dun ano. Etting casou con Alderman en decembro de 1938. O escándalo e o xuízo sensacionalista nos Ánxeles puxeron fin á carreira de Etting, aínda que conseguiu presentar durante un curto período un programa de radio en 1947. Alderman morreu o 16 de novembro de 1966.

Ruth Etting morreu en Colorado Springs, Colorado en 1978, aos 81 anos de idade.

A súa vida foi a base para o filme de 1955 Love Me or Leave Me, con Doris Day e James Cagney.

Wikimedia Commons ten máis contidos multimedia na categoría:  Ruth Etting

• Hemming, Roy; Hajdu, David, eds. (1992). Discovering Great Singers of Classic Pop: A New Listener's Guide to the Sounds and Lives of the Top Performers. Newmarket Press. ISBN 978-1-55704-148-7. 

• Ruth Etting^{[Ligazón morta]}
• Biografia de Ruth Etting^{[Ligazón morta]}