Promitheas Patras

	Promitheas Patras
Información xeral
Nome	Athlitikos Syllogos Promitheas
Liga	A1 Ethniki
Fundación	1986
Cores	Negro, branco, laranxa
Presidente	Vangelis Liolios
Adestrador	Makis Giatris
Localización
Cidade	Patras, Grecia
Pavillón	Pavillón Dimitrios Tofalos
Capacidade	5.150
Inauguración	1995
	asp-promitheas.gr

O A.S.P. Promitheas (en grego: Α.Σ.Π. Προμηθέας Πατρών K.A.E.), tamén coñecido como Promitheas Patras, é un equipo profesional de baloncesto da localidade de Patras, Grecia. Fundado no ano 1986, o club compite actualmente na máxima categoría do baloncesto grego, a A1 Ethniki. O dono do club é Vangelis Liolios, propietario da compañía helena de café Coffee Island. O Promitheas xoga os seus partidos como local no Pavillón Dimitrios Tofalos, recinto con capacidade para 4,200, a cal pode ser ampliada até os 5.150 espectadores.

Historia

O club polideportivo A.S. Promitheas Patras foi fundado no ano 1985, creando a súa sección de baloncesto masculino ao seguinte. O equipo comeza na temporada 1986–87 na Gamma Ethniki, o cuarto nivel do baloncesto grego. Nun só ano acada o ascenso á Beta Ethniki e, en 1992 chega á segunda división, a A2 Ethniki. Con todo, o equipo descenso ao ano seguinte. Desde aquela altura sucedéronse continuos ascensos e descensos, encontrándose en 2013 de novo na cuarta categoría. Porén, desde ese momento conseguiu tres ascensos de forma consecutiva, chegando por vez primeira en 2016 á máxima categoría, a A1 Ethniki, en 2016. Para esta nova etapa contratou como adestrador a Nikos Vetoulas, cunha ampla experiencia a nivel nacional e internacional,^[1] e xogadores como Mouhammad Faye, Zisis Sarikopoulos, Nikos Gikas ou Angelos Tsamis. Ese mesmo ano, o club finaliza en noveno lugar e chega a disputar os oitavos de final da Copa de Grecia.