Plato and a Platypus Walk Into a Bar
Plato and a Platypus Walk Into a Bar (Platón e un ornitorrinco entran nun bar) é un libro escrito por Thomas Cathcart e Daniel Klein e publicado en 2007. O libro fala e explica os conceptos da filosofía a través de chistes. Dá unha visión divertida dá filosofía, ademais serve para aprender sobre esta disciplina. IntroduciónO libro comeza cunha introdución a que lle chaman “Filochistes” onde explica de forma filosófica unha serie de chistes, como por exemplo o que di:
Deste chiste di que expresa o núcleo mesmo da filosofía empirista inglesa. Lou propón a cuestión de que tipo de datos son verdadeiros e porqué. CapítulosO primeiro capítulo fala sobre a Metafísica, que é a que formula as preguntas, como "Que é o ser?" ou "Cal é a natureza da realidade?" Dentro do apartado da Metafísica, o libro, divide o capítulo en teleoloxía, existencialismo, racionalismo, infinitude e eternidade, determinismo e libre albedrío e filosofía do proceso, explicando cada concepto por medio de chistes, claro, por exemplo, un dos chistes que utilizan Cathcart e Klein para explicar a infinidade e a eternidade é:
Deste chiste explica que mestura o concepto de eternidade co de relatividade. Formula a pregunta filosófica "Como algo finito pode ser análogo a algo infinito?" No segundo capítulo fala da lóxica. Este capítulo tamén o divide en apartados: A lei da non contradición, razoamento ilóxico, lóxica indutiva, falsación, lóxica dedutiva, argumento indutivo por analoxía, a falacia Post hoc ergo propter hoc, a falacia de Montecarlo, argumento circular, argumento a partir do respecto á autoridade, o paradoxo de Zenón e semánticas. No terceiro capítulo fálase da Epistemoloxía ou Teoría do coñecemento. Se te fas a pregunta "Como sabes que sabes o que pensas que sabes?", e a resposta é "Simplemente, seino, todo o demais é epistemoloxía". As partes en que está dividida este capítulo son: razón contra revelación, empirismo, método científico, idealismo alemán, filosofía da matemática, pragmatismo e fenomenoloxía. Segundo o libro, a filosofía das matemáticas é bastante técnica e difícil. Di que hai que ter en conta que en cuestión de matemáticas existen tres tipos de persoas: as que saben contar e as que non. O cuarto capítulo fala sobre a Ética. A parte da filosofía que se encarga de preguntarse o que é bo e o que é malo. Como todos, este tamén está dividido en subapartados. O primeiro deles é a ética absolutista: lei divina. Neste apartado explica que segundo a lei divina a ética é moi fácil xa que Deus é o que nos di o que está ben e o que está mal, pero tamén se fai unha serie de preguntas que nos fan pensar sobre isto como por exemplo: "Como podemos estar seguros do que pensa realmente Deus?" O tema do quinto capítulo é a filosofía da relixión. O último dos subapartados fala da filosofía cabeza oca, coñecida máis tarde como Filosofía New Age. Explica a súa orixe e as súas crenzas, coma a crenza na vida extraterrestre. O seguinte capítulo fala do Existencialismo. Este capítulo aparece sen apartados. O capítulo sete titúlase Filosofía da linguaxe, e está dividido en tres apartados. No oitavo capítulo falase da filosofía social e política, a que se pregunta porqué necesitamos un goberno ou como deberían distribuírse os bens. O capítulo nove trata dobre a relatividade. O derradeiro capítulo fala da Metafísica, a filosofía da filosofía. O libro remata cunhas páxinas conclusivas sobre todo o que se aprendeu co libro. Véxase taménLigazóns externas |
||||||||||||||||||||||||||||||||||||
