Nuno Treez

Nuno Treez

Biografía
Actividade
Ocupación	xograr

Nuno Treez foi un xograr galego^[1] cuxas cantigas forman parte do hipotético Cancioneiro de xograres galegos, polo que se pode deducir que é un xograr de profesión e tamén de orixe galega.

A súa obra relaciónase cunha ermida consagrada a San Clemente, en base a iso, estudosos como Ramón Menéndez Pidal sosteñen que era un xograr e sitúano nunha illa de Pontevedra de Bueu.^[2] Con todo, o profesor Xosé Luís Couceiro, apunta a que pode proceder do municipio coruñés de Narón, onde houbo unha ermida dedicada a San Clemente. o profesor Xabier Ron Fernández sostén que se trata dun xograr galego natural da localidade ourensá de Trez que aparece na documentación do mosteiro de Montederramo.^[2][3]   

O apelido deste xograr foi amplamente debatido e, aínda que o máis aceptado é Treez, hai outras opinións.

De Nuno Treez coñécense catro cantigas, todas do subxénero de cantigas de romaría:^[4] «Des quando vos fostes daqui»^[5], «San Clemenço do mar»^[6], «Non vou eu a San Clemenço orar e faço gram razom» e «Estava-m' em San Clemenço, u fora fazer oraçom».

San Clemenço do mar,
se mi d'el non vingar,
non dormirei.

San Clemenço senhor,
se vingada non for,
non dormirei.

Se vingada non for
do fals'e traedor,
non dormirei.

• Vilavedra, Dolores, ed. (1995). Diccionario da Literatura Galega. Autores I. Vigo: Editorial Galaxia. ISBN 84-8288-019-5. 

• As cantigas trobadorescas galego-portuguesas.