Miguel Vaquer

Miguel Vaquer

Biografía
Nacemento	28 de agosto de 1923 Felanitx, España
Morte	1 de marzo de 2015 (91 anos) Madrid, España
Procurador nas Cortes
6 de novembro de 1967 – 12 de novembro de 1971 Lexislatura: IX lexislatura das Cortes franquistas
Gobernador civil da provincia da Coruña
Gobernador civil da provincia de Palencia
Actividade
Lugar de traballo	Madrid
Ocupación	político, rexistrador da propiedade
Premios
(1976)  Gran Cruz do Mérito Naval con distintivo branco (1973)  Gran Cruz da Orde do Mérito Civil (1970)  Cruz de Honra da Orde de San Raimundo de Peñafort

Miguel Vaquer Salort, nado en Felanitx o 28 de agosto de 1923 e finado en Madrid o 1 de marzo de 2015, foi un rexistrador da propiedade e político español, que ocupou a gobernación civil da Coruña durante o franquismo.

Formado no exército, aprobou oposicións a rexistrador da propiedade. En 1967 foi designado procurador en Cortes e foi nomeado gobernador civil da provincia de Palencia, cargo que ocupou ata 1972. Nese momento, en outubro, é trasladado como gobernador civil á Coruña, e permaneceu no cargo ata agosto de 1976. Durante o seu mandato como gobernador civil da Coruña tivo lugar o accidente de Montrove e o embarrancamento do Urquiola. Durante unha visita de Francisco Franco á Coruña, e no marco dun festival de baile, mandou interpretar o Himno galego^[1].

Durante a democracia exerceu como rexistrador da propiedade e o seu último destino antes de xubilarse foi Orihuela. Foi vogal da Fundación Barceló.

• Gran Cruz da Orde do Mérito Civil.
• Gran Cruz da Orde do Mérito Naval.