Linux Professional Institute

O Linux Professional Institute é unha organización sen ánimo de lucro constituída en outubro de 1999, coa súa sede cerca de Toronto (Canadá). Está recoñecida como a primeira organización en impulsar e apoialo uso de Linux, código aberto e software libre.

As certificacións LPI, ou en inglés, LPI Certifications (LPIC) deseñáronse para certificala capacitación dos profesionais das Tecnoloxías da Información usando o sistema operativo Linux e as ferramentas asociadas a este sistema.

Deseñouse para ser independente da distribución e segue a Linux Standard Base e outros estándares relacionados.

O programa LPI baséase na realización de enquisas para establecer un nivel de certificación baseado no posto de traballo a desempeñar utilizando procesos de psicometría para garantila relevancia e a calidade da certificación.

• Estado: Dispoñible actualmente. A primeira publicación data do 11 de xaneiro do 2000. Recibiu varias revisións dende entón.
• Prerrequisitos: Ningún
• Requirimentos: Pasar os exames 101 e 102
• Obxectivos da certificación
  • Ser capaz de traballar na liña de comandos
  • Realizar tarefas sinxelas de mantemento como axudar ós usuarios, mantemento de usuarios, realización de copias de seguridade e restauracións, paradas e arranque de sistemas
  • Instalación e configuración dun equipo de traballo e a súa conectividade á rede.

• Prerrequisitos: Tela certificación LPIC-1
• Requirimentos: Pasar o exame 199
• Obxectivos da certificación:
  • Entender a infraestrutura técnica de Ubuntu

• Prerrequisitos: Ter a certificación LPIC-1
• Requirimentos: Pasar os exames 201 e 202
• Obxectivos da certificación
  • Administración dun dominio pequeno ou mediano
  • Planificación, mantemento, securización dunha rede mixta (MS, Linux) incluíndo:
    • Servidor de rede Samba
    • Pasarela de Internet: firewall, proxy, correo, news
    • Servidores de Internet: Servidores web, FTP
  • Supervisión de asistentes
  • Aconsellar en automatización e compras

• Prerrequisitos: Tela certificación LPIC-2
• Requirimento: Pasar os exames 301 (Core) e algún dos exames de especialización 302-306
  • 302. Contorno mixto
  • 303. Seguridade
  • 304. Alta dispoñibilidade e virtualización
  • 305. Web e Intranet
  • 306. Correo e mensaxería

LPI aprobou diverso material de estudo Linux Approved Training Material ou LATM para as súas certificacións:

Existen outras certificacións Linux que se centran en distribucións particulares, mentres que LPI é agnóstica á distribución. A continuación citamos algunhas:

• Programa de Certificación de Red Hat.
• Programa de certificación de Novell (antigamente Suse).

• Linux Professional Institute
• Linux Professional Institute en España
• Ubuntu Certified Professional