Jang Eun-jin

Jang Eun-jin

Biografía
Nacemento	1976 (48/49 anos) Gwangju, Corea do Sur
Actividade
Ocupación	escritora

Este artigo amosa escritos coreanos. Sen o soporte axeitado, o texto pode mostrar símbolos sen sentido, coma caixas, marcas e outros.

Jang Eun-jin (en coreano: 장은진), nada en 1976, é unha escritora surcoreana.

Jang Eun-jin naceu en Gwangju no ano 1976. Ten unha irmá xemelga, Kim Hee-jin.^[1] Jang estudou na Universidade Nacional Chonnam, na súa cidade natal, pola que se graduou en Xeografía. En 2004, recibiu o premio Jooggang Ilbo para Novos Escritores pola súa opera prima, Kichin silheomsil (en hangeul: 키친 실험실; en galego: Laboratorio de cociña), publicada como libro en 2008.^[2]

Jang é autora de catro novelas e unha escolma de relatos. Gañou tres premios literarios: o premio Chonnam Ilbo de Conto (2002), o premio Joongang Ilbo para Novos Escritores (2004) e o 14.º premio anual Munhakdongne (2009).

A súa obra máis recoñecida, Amudo pyeonjihaji anda (en hangeul: 아무도 편지하지 않다; en galego: Ninguén escribe cartas), foi traducida a diversos idiomas, entre eles o inglés e o castelán.^[3][4]