Explorer 33

Explorer 33 / IMP-D / AIMP-D / AIMP-1
Maqueta de IMP-D.
Tipo	Científico
Organización	NASA
Data de lanzamento	1 de xullo de 1966, 16:02 GMT[1][2][3][4]
Foguete portador	Delta E[2][5]
Sitio de lanzamento	Centro Espacial de Cabo Cañaveral[2][6]
Obxectivo da misión	Estudo do medio interplanetario.[2][6]
NSSDC ID	1966-058A
Masa	212,0 kg[5]
v c e

Explorer 33, tamén coñecido como IMP-D (acrónimo de Interplanetary Monitoring Platform D) e como AIMP-1 (Anchored Interplanetary Monitoring Platform 1), foi un satélite artificial da NASA lanzado o 1 de xullo de 1966 mediante un foguete Delta E desde o Centro Espacial de Cabo Cañaveral.^[2][5][6]

A misión de Explorer 33 foi estudar o plasma interplanetario, as partículas enerxéticas cargadas, os campos magnéticos e os raios X solares a distancias lunares.^[2][5][6]

A nave estabilizábazase mediante xiro, cun período de entre 2,2 e 3,6 segundos e co eixo de xiro perpendicular ó plano da eclíptica. Explorer 33 foi inxectado nunha órbita inicial de 435.425 km de apoxeo e 15.900 km de perixeo, cunha inclinación orbital de 28,69 graos e un período de 8540,0 minutos. Nos cinco anos de duración da misión tanto o perixeo como a inclinación orbital variaron substancialmente.^[1][3][6]

Wikimedia Commons ten máis contidos multimedia na categoría:  Explorer 33

• Interplanetary Monitoring Platform