Concepción Burgo

Concepción Burgo

Biografía
Nacemento	9 de xuño de 1958 (67 anos) Monforte de Lemos, España
País de nacionalidade	española
Formación profesional	Licenciada en Xeografía e Historia, Doutora en Historia
Educación	Universidade de Santiago de Compostela
Actividade
Ocupación	historiadora, profesora universitaria e política
Empregador	Universidade de Santiago de Compostela

María Concepción Burgo López, nada en Monforte de Lemos o 9 de xuño de 1958,^[1] é unha historiadora, profesora universitaria, e política galega do PSdeG-PSOE.

Licenciouse en Xeografía e Historia na Universidade de Santiago de Compostela en 1980 e doutorouse en Historia na mesma Universidade en 1986, lendo a tese Un dominio monástico femenino en la Edad Moderna: el monasterio benedictino de San Payo de Antealtares, dirixida polo doutor Antonio Eiras Roel.^[2]

Desde 1991 a 1993 foi a directora do Colexio Universitario de Lugo da Universidade de Santiago.^[3]

Despois da transformación de dito Colexio Universitario no Campus de Lugo da USC, foi nomeada, en 1989, Profesora Titular de Historia Moderna, do Departamento de Historia Medieval, Moderna e Contemporánea, na Facultade de Humanidades de Lugo.^[4] Até o ano 2003 foi decana de dita Facultade.^[3]

Nese mesmo ano formou parte da candidatura do PSOE ao Concello de Lugo, no que foi tenente de alcalde, encargada da área de Cultura, Turismo e Educación até o ano 2010. Nese período puxo en marcha o Centro de Interpretación da Muralla.^[1]

Desde o 2005 até 2020 foi deputada polo PSOE do Parlamento de Galicia,^[1] da que foi vicesecretaria.^[5]

É autora de estudos sobre Galicia na Idade Moderna, algúns deles referidos á historia da cidade de Lugo.^[3]

• Un dominio monástico femenino en la edad moderna: el Monasterio benedictino de San Payo de Antealtares (1986). Santiago de Compostela: Universidade de Santiago de Compostela. Servizo de publicacións e Intercambio Cienrífico. ISBN 84-3987-750-1. Tese de doutoramento. (Resume).
• Historia de Lugo (2001; con Felipe Arias Vilas, José Luis Novo Cazón e María Jesús Souto Blanco). Oleiros: Vía Láctea. ISBN 84-8944-473-0.

• "Lugo y su provincia: el momento histórico", "La Edad Media", "La Edad Moderna" e "Los siglos XIX y XX". En: Antonio Eiras Roel (2000): El reino de Galicia en la época del emperador Carlos V. Santiago de Compostela: Xunta de Galicia. ISBN 978-84-4532-926-9.

• "La estructura económica del Cabildo de Lugo a finales del siglo XVIII" (1993). Ohm: obradoiro de historia moderna 2: 65-84.

• Ficha no Parlamento de Galicia Arquivado 02 de abril de 2015 en Wayback Machine.