Loch Leitir EasaidhCo-chomharran: 58°11′24″N 5°07′03″W / 58.190023°N 5.117455°W    Loch Leitir Easaidh Suidheachadh Loch Leitir Easaidh air a' Ghàidhealtachd 'S e loch ann an Alba a tha ann an Loch Leitir Easaidh neo Letteressie.[1] Tha e suidhichte dìreach san àird an iar air Loch Asainte ann an Asaint. Tha an loch mu leth-mhìle (0,8 km) a dh'fhad agus tha an leud aige beagan nas lugha na 700 slat aig an àite as leathainne. San farsaingeachd tha e mu 230 slat a leud. Tha Loch Leitir Easaidh cho mòr ri 62 acair agus tha an àrainn drèanaidh aige cho mòr ri gu bhith 2 2/3 mìle ceàrnagach. 'S e 20 troigh (6,1 m) an domhainneachd mheadhanach aige le 70 troigh (21 m) aig an àite as doimhne.[1] Tha bàrr uisge an locha mu 217 troigh (66 m) os cionn na mara. Thèid an loch a lìonadh le uisge bho Loch Bad a' Chigean is Loch na h-Innse Fraoich. Sruthaidh an t-uisge a-mach à Loch Leitir Easaidh chun an ear ann an Loch Asainte tro abhainn ghoirid a bhios dìreach cuid slatan a dh'fhad. Thàinig ainm an locha bho eas a tha suidhichte aig ceann an iar an locha. Tha cas-cheum ann timcheall air Loch Leitir Easaidh is Loch na h-Innse Fraoich a bhios rèidh agus freagarrach do dhaoine ann an cathair-chuibhle.[2] Iomraidhean
Ceanglaichean a-mach
Lochan ann an Asaint
 Loch Asainte • Loch Beannach • Loch na Doire Daraich • Loch Druim Suardalain • Loch Leitir Easaidh • Loch Maol a' Choire • Loch Obha |
