Automobiil

Didiar artiikel meent dit Automobiil. Luki uk bi Auto- (muardüüdag/Muar üs jen Meening).

Söl'ring

En Automobiil es en Wain mä Maskiin, wat diarfuar taacht es, dat em diarme fuaral üp Straat köör ken.

Automobil („Salevsküüwer“) es en substantiviaret Adjektiif. Tö't Jen fan't 19. Jaarhönert jeet en Straatenbaan, wat me Preslucht öndrewen waar üp Franzk: voiture automobile (salevsküüwendi Wain). Dit Uurt kumt fan Greeksk: αὐτός (autós, meent salev) en mobilis (ön Gang braacht, önskööwen, önerwai).
Des skul di Forskel tö di Wainer tö des Tir biskriif, wat fan Hingstern of Ausen tain waar.

• 
  Dit jest Automobiil, Benz Patent-Motorwagen Nr.1 fan 1886.
• 
  Ford Model T, di jest Wain, wat iin ön en Autofabriik becht waar.
• 
  VW Käfer, me 15 Miljoonen Wainer twesken 1945 en 1972 wiar des fan 1972 bit 2002 dit Auto, wat üs miist becht uuren wiar.
• 
  Dit Auto, wat ön di DDR üs miist becht waar, es di Trabant 601.
• 
  Di Porsche 911 es en mal bikeent Sportwain.

Me "Auto (-mobiil)" sen fuaral Persoonenwainer meent, man uk Busi of Mootorweelen hiir diartö.

Forskelen jeft et fuaral aur di Forem fan di Karoserii en di Aart fan di Öndreft. Bi di Jölingsmaskiinen sen fuaral Bensiin- en Diesel-Wainer önerwai, man uk Gas uur forbronen. Hok Maskiinen let jam uk ombecht, dat em me Weeterstof köör ken.

Me Weeterstof ken em man uk aur en Brenstofseli Stroom maaki, hur em en Elektromaskiin me öndriiv ken.
Elektroautos köör man fuar't Miist me Bateriien, aurdat em masi Stroom of Energii diarfuar nöörig es, Weeterstof tö maaki.

Delings Wainer uur fuar't olermiist iin ön Fabriiken becht, en di Autofirmen haa jen of muar diarfan. Aaftinoch hiir tö des Firmen uk hok Marken.

Bikeent sen Firmen en Marken sa üs:

• Audi
• BMW
• Daimler AG
• E.GO Mobile
• Porsche
• Volkswagen AG
• Toyota
• Nissan
• Renault
• Citroën

 Commons: Autos – Saamling fan Skelter en Videos