Franz Kafka

Quél[V 1] articllo est ècrit en arpitan[V 2] forésien / ORB lârge.

Por los articllos homonimos, vêde Kafka.

Franz Kafka

[ˌfʁants ˈkaf.ka]

Franz Kafka en 1923.

Balyês cllâfs

Nèssence	3 de julyèt 1883 Prague, Bouèma (Ôtriche-Hongries)
Môrt	3 de jouin 1924 Kierling, Bâssa-Ôtriche (Ôtriche)
Activitât principâla	Romanciér, novèlisto

Ôtor

Balyês cllâfs

Lengoua d’ècritura	Alemand
Mouvament	Modèrnismo
Genros artisticos	Roman, novèla
Adjèctifs dèrivâs	« kafkayen »

Ôvres principâles

• La Mètamorfôsa (1915)
• La Colonie pènitencièra (1919)
• Lo Procès (1925)
• Lo Châtél (1926)
• Les Amèriques (1927)

changiér

Franz Kafka^{[N 1]} [ˌfʁants ˈkaf.ka] (en alemand) ^Acutar est un ècriven ôstro-hongrouès bouèmien de lengoua alemanda et de religion jiua, vegnu u mondo lo 3 de julyèt 1883 a Prague et môrt lo 3 de jouin 1924 a Kierling. Il est yon de los ècrivens majors du XX^émo siècllo^[1].

Mèclle lo rèalismo et lo fantastico dedens son ôvra. Ses ôvres ant étâ entèrprètâs coma^{[V 3]} èxplorent l’aliènacion, la fôta d’èsperance et l’absurditât, de mémo que lo tèmo de la rèsponsabilitât de l’endividu.

Surtot cognessu por sos romans Lo Procès (Der Prozeß), Les Amèriques (Amerika) et Lo Châtél (Das Schloß), pués por les novèles La Mètamorfôsa (Die Verwandlung) et La Colonie pènitencièra (In der Strafkolonie), Franz Kafka lèsse portant un’ôvra ples vâsta, caractèrisâ per un’atmosféra de chôche-vielye, du diâblo, que la burôcracia et la sociètât empèrsonèla ant tojorn més de prêsa dessus l’endividu. Hendrik Marsman dècrit quel’atmosféra^{[V 4]} coma una « objèctivitât franc bizârra^[2] ».

Lo stilo et lo simbolismo de Kafka ant dètiendu sus la litèratura de son temps, notament dens los registros de la novèla et de la piéce de téâtro radiofonico, l’adjèctif alemand kafkaesk, traduit per « kafkayen » en arpitan, vegnent mémo una rèference^[3], qu’at entègrâ lo vocabulèro de prod de lengoues eropèènes.

1. ↑ (fr) Corinna Gepner, téta de lévro de La Métamorphose a les èdicions Bréal (col. « Connaissance d’une œuvre »), parèssu en 2004.
2. ↑ (nl) Hendrik Marsman, Critisch proza, Amstèrdame, Querido, 1979 (en legne), p. 534.
3. ↑ (de) H. Glaser, J. Lehmann, A. Lubos, Wege der deutschen Literatur : Eine geschichtliche Darstellung, Ullstein Buch, 1982, 493 p. (ISBN 978-3-548-35061-5), Die Moderne, p. 418.